Foto: freepik.com
Qyzmetter kólemi artqan
Medısınalyq kómektegi onlaın-qyzmetterdiń úlesi josparlanǵan 7%-dyń ornyna 8,65% boldy. emhanalardaǵy júktemeni azaıtýǵa múmkindik berdi.
Qyzmetter kóleminiń artýyna – meıirgerlerge birqatar fýnksııalardy keńeıtilgen túrde baǵyttaý, qabyldaýǵa qashyqtyqtan aldyn ala jazylý júıesin iske qosý, «josparlanǵan qabyldaý» júıesi arqyly pasıent marshrýtyn ońtaılandyrý sekildi jańa tetikterdiń engizilýi yqpal etti. Nátıjesinde kezekter qysqaryp, emhanalarǵa qajetsiz barý azaıdy – kómek jyldamyraq ári qoljetimdi boldy.
Aýyldyq jerler tys qalǵan joq
Aýyl jáne shalǵaı aımaq turǵyndaryna erekshe kóńil bólinip otyr. Bıyl 8 óńirdegi 100 medısına uıymyn qamtyǵan «Onlaın-medısına» pılottyq jobasy bastaldy. Endi beıindi mamandar joq eldi mekenderdiń ózinde dárigerlerdiń konsýltasııasyn alý múmkindigi bar.
Sıfrlyq tehnologııalar medısına qyzmetkerlerine de tıimdi
Medısınalyq aqparattyq júıelerdi ıntegrasııalaý jáne jasandy ıntellektini qoldaný mynadaı nátıjeler berdi:
- elektrondyq reseptterdi rásimdeý ýaqyty 60% qysqardy;
- júkti áıel kartasyn toltyrý ýaqyty 40% azaıdy.
Mınıstrlik jyl sońyna deıin sıfrlyq densaýlyq saqtaýdy odan ári damytý úshin negizgi platforma – Biryńǵaı medısınalyq derekter qoımasyn qurýdy aıaqtaýdy josparlap otyr.
