Bıyl ónerkásiptiń negizgi qozǵaýshysy munaı salasy boldy. On aıda taý-ken óndirisi 9,6 paıyzǵa ulǵaıdy. Onyń ishinde munaı óndirý kólemi eń joǵary serpin kórsetti. Kórsetkish bir jylda 13,9 paıyzǵa artqan. Ásirese Teńiz ken ornyndaǵy óndiristiń kúsheıýi el ekonomıkasynyń jyldamdaýyna tikeleı áser etti.
О́ńdeý ónerkásibinde de ahýal jaman emes. Bul sala 5,8 paıyz ósim kórsetti. Mashına jasaý men azyq-túlik óndirisi aıtarlyqtaı qarqyn alyp otyr. Mashına jasaý salasy 11,5 paıyz, azyq-túlik óndirisi 9,1 paıyz ósken. Bul kórsetkishter óńdeý ónerkásibindegi jalpy ósimniń negizgi bóligin qurap otyr.
Analıtıka ortalyǵynyń mamany Saltanat Igenbaevanyń aıtýynsha, metallýrgııada ósim baıqalǵanymen, qarqyny baıaý. Sala kólemi úlken bolǵanymen, jyldyq ósim 0,7 paıyz deńgeıinde qaldy. Qara metallýrgııa men metall quıý baǵyttaryndaǵy qysqarý jalpy nátıjege áser etti. Metallýrgııanyń baıaýlaýy álemdik naryqtaǵy ózgeristerge baılanysty. Iаǵnı baǵa qubylsa nemese suranys azaısa, bizdiń kórsetkish te tómendeıdi.
Energetıka sektorynda shamaly ósim bar. Elektr, gaz jáne jylýmen qamtý 2,2 paıyzǵa artty. Elektr energııasyn óndirý jáne taratý kólemi ósse, sý jınaý men qaldyqtardy óńdeý kerisinshe tómendegen. Bul baǵytta on aıda 6,3 paıyzdyq quldyraý baıqaldy.
Jalpy, ónerkásiptiń ósimi qýantady. Biraq onyń negizinen munaı sektory arqyly qamtamasyz etilýi táýekel týǵyzady. Bizdiń ekonomıka munaı baǵasyna jáne syrtqy naryqtardaǵy jaǵdaıǵa táýeldi. Kez kelgen ózgeris ónerkásipke birden áser etedi.
Sondyqtan sarapshylar óńdeý salasyn kúsheıtý, kásiporyndardy jańartý jáne ártaraptandyrýdy eń mańyzdy mindet dep sanaıdy. О́ıtkeni turaqty ekonomıkalyq damý úshin tek munaıǵa sený jetkiliksiz.
