QazIndustry-ge barǵan japondyq sarapshylar quramynda Hokkaıdo ýnıversıtetiniń slavıano-evrazııalyq zertteýler ortalyǵynyń professory Tomohıko Ýıama, Akıta ýnıversıtetiniń assıstent-professory Aıako Vatanabe, tehnıkalyq ǵylymdar kandıdaty jáne Alem International Co. Ltd basshysy Daýren Ahmetov, JICA uıymynyń eksperti Hıdehıro Shınkoı boldy. Delegasııany Nazarbaev Ýnıversıtetiniń dosenti Serik Orazǵalıev, Indýstrııa jáne qurylys mınıstrliginiń Daýylet Sagjanov jáne Satreps jobasynyń qazaqstandyq úılestirýshisi Alııa Chıngıshpaeva ertip júrdi.
Kezdesý barysynda japondyq ǵalymdar «Aqylmen ıgerý +» jobasynyń mazmunyn tanystyrdy. Bul bastama ıntellektýaldy taý-ken tehnologııalaryn, sıfrlyq egizderdi jáne jasandy ıntellektti qoldana otyryp, ekologııalyq zııandy azaıtatyn jańa óndiris modelin qalyptastyrýdy kózdeıdi.
Ǵalymdardyń aıtýynsha, mundaı júıe Ortalyq Azııa jáne basqa da resýrstyq elderde keńinen qoldanylýy múmkin. Qazir joba komandasy Qazaqstandaǵy taý-ken kásiporyndarynda osy tehnologııalardy engizý múmkindigin zerttep jatyr.
QazIndustry basqarma tóraǵasynyń orynbasary Ásel Dúısembaeva ortalyqtyń negizgi mindetteriniń biri ónerkásipti sıfrlandyrý jáne kásiporyndarǵa zamanaýı tehnologııalardy engizýge jaǵdaı jasaý ekenin atap ótti. Sondaı-aq memleket kásiporyndardyń shyǵyndaryn óteý tetikteri arqyly sıfrlyq jobalardy qoldaıtyny aıtyldy.
Taraptar Smart Mining Plus jobasyn engizýdiń naqty qadamdaryn, onyń Qazaqstan úshin múmkindikterin jáne ári qaraıǵy seriktestik josparyn talqylady.
