Foto: Densaýlyq saqtaý mınıstrligi
T.Sultanǵazıev aıtýynsha, mundaı nátıjeler alǵashqy medısınalyq kómekti damytý, ana men bala densaýlyǵyn saqtaý qyzmetterin nyǵaıtý, jańa týǵan nárestelerdi baqylaýdyń zamanaýı hattamalaryn engizý boıynsha júıeli jumystardyń arqasynda múmkin bolyp otyr.
Sondaı-aq, birinshi vıse-mınıstrdiń aıtýynsha, úsh óńirde: Atyraý, Abaı, Jetisý oblystarynda neonataldyq ólim kórsetkishterin jaqsartý úshin áleýet bar. Sala mınıstrligi jergilikti atqarýshy organdarmen birlesip qoıylǵan maqsattarǵa qol jetkizý úshin sharalar qabyldap jatyr.
Densaýlyq saqtaý mınıstrliginiń málimetinshe, vedomstvo balalardyń ómir súrý sapasyn jaqsartý boıynsha jumysty jalǵastyrady. Sol oraıda erekshe nazar aýdarylyp otyrǵan jaıttar:
- medısınalyq-sanıtarlyq alǵashqy kómek (MSAK) deńgeıinde pedıatrııalyq stasıonarlar men qyzmetterdi damytý;
- erte aralasý ortalyqtaryn qurý jáne keńeıtý;
- patronaj qyzmetin nyǵaıtý jáne ony tolyqtyrý;
- balalardaǵy aýrýlardyń aldyn alýdy jáne erte anyqtaýdy kúsheıtý.
«Ár balanyń densaýlyǵy – bizdiń basymdyǵymyz. Biz ár óńirde zamanaýı jáne sapaly medısınalyq qyzmetter qoljetimdi bolatyndaı oń ózgeristerdi kórip, jumysty jalǵastyramyz», dedi birinshi vıse-mınıstr T.Sultanǵazıev.
