Akter bul marapatqa rejısser Elzat Eskendir túsirgen «Ábil» atty tolyqmetrajdy kórkem fılmdegi basty róli úshin laıyq dep tanyldy.
Aıta keteıik, qarasha aıynyń basynda Parıjde ótken «Fransııadaǵy qazaq kınolarynyń festıvalinde» de qazylar alqasy dál osy róli úshin Erlan Tóleýtaıǵa «Úzdik akter» syılyǵyn tabystaǵan.
«Ábil» týyndysy Mádenıet jáne aqparat mınıstrliginiń jáne Ulttyq kınony qoldaý ortalyǵynyń qoldaýymen, Sháken Aımanov atyndaǵy «Qazaqfılm» kınostýdııasynda túsirilgen.
«Jibek joly» halyqaralyq kınofestıvali jyl saıyn ótetin mádenı shara sanalady. Bıyl ol on úshinshi ret uıymdastyrylyp, álemniń ár elinen rejısserler, prodıýserler jáne kórermender qatysty. Festıval baǵdarlamasy Dýblındegi Trınıtı kolledjinde jáne tarıhı United Arts Club sahnasynda ótti.
