KEGOC 1 sáýirden bastap elektr energııasy tarıfterin arzandatady

ASTANA. 22 naýryz. KEGOC aksıonerlik qoǵamy ústimizdegi jyldyń 1 sáýirinen bastap KEGOC jelileri boıynsha elektr energııasyn berý tarıfterin 1,954 teńgeden 1,943 teńge/KVt-saǵatqa deıin tómendetedi. Bul týraly «QazAqparat» habarlady. Habarlamada kórsetilgendeı, tarıfterdi bulaısha tómendetý deńgeıi Ulttyq ekonomıka mınıstrligi tabıǵı monopolııalardy retteý jáne básekelestikti qorǵaý komıtetimen kelisilgen. Eske sala keteıik, bıylǵy jyldyń basynda Ulttyq ekonomka mınıstrligi elektr energııasyna tarıfter tómendetiletinin habarlaǵan bolatyn. Onyń birinshi kezeńinde «Bolat Nurjanov atyndaǵy «Ekibastuz GRES-1» JShS-da baǵanyń tómendeýi 8,80-nen 8,65 teńge/1 kVT saǵat  (QQS-nyz) esebinen, elektrmen jabdyqtaıtyn uıymdardyń túpkilikti baǵasy arzandaıtynyn jarııalaǵan bolatyn. Ekinshi kezeńde KEGOC AQ-tyń, aýdandyq elektr kompanııalarynyń, elektr beretin uıymdardyń baǵasyn tómendetý josparlanǵan. Qazirgi kezde R Energetıka mınıstrligi tabıǵı monopolııalardy retteý jáne básekelestikti qorǵaý komıtetine Ekibastuz GRES-1 elektr energııasyn bosatý baǵasyn 8,8-den 8,65 teńge/kVT-saǵatqa tómendetetinin habarlady. Osyǵan baılanysty KEGOC shyǵyndardy qaıta eseptep, onyń qorytynysynda kompanııa jelileri boıynsha elektr energııasyn berý týraly qyzmetterge tarıfti 1,954-ten 1,943 teńge kVt-saǵatqa deıin arzandatý jóninde sheshim qabyldandy. Joldybaı Bazar. Derek, sýret: «QazAqparat».