Aqmola oblystyq polısııa departamenti taratqan habarǵa qaraǵanda, áıeldiń týystary aryz túsirgennen keıin izdeý jumystary dereý bastalǵan. Quqyq qorǵaýshylar áıeldiń jaqyn ortasyn tekserip, kýágerlerden jaýap aldy. Izdeýge eriktiler de qosylyp, olar áleýmettik jelilerde aqparat taratty.
26 qarashada «Lider.kz» eriktileriniń kómegimen ıývenaldy polısııanyń aǵa ýchaskelik ınspektory Názıra Tursymbaeva joǵalǵandardyń bolýy múmkin mekenjaıy týraly habar alyp, jedel jetken. Páterde áıeldiń tanystary turǵany anyqtaldy, sol jerden ana men bala tabylǵan.
Qazir qyz bala aýrýhanada jatyr. Dárigerler onyń jaǵdaıyn tekserýde.
Polısııa eriktilerge jáne beıjaı qaramaǵan turǵyndarǵa alǵys bildirdi.
