«Biz jańa Alataý qalasy men irgeles aglomerasııany eskere otyryp, tyǵyzdyqty barlyq polısentrler boıynsha birkelki bólýdi josparlap otyrmyz. Negizinen, qalanyń syıymdylyq sıpattamalary buǵan múmkindik beredi. Halyq ósiminiń 35%-y – tabıǵı ósim, al 65%-y – mehanıkalyq ósim, ıaǵnı, bul únemi ósip kele jatqan kóshi-qon aǵyny», dedi ol.
2023 jyldyń qańtarynda Almatynyń jańa bas josparyn daıyndaý barysynda 2040 jylǵa qaraı megapolıs halqynyń sany 3 mln adamǵa jetýi múmkin ekeni habarlandy. Azamattardy baspanamen qamtamasyz etý úshin 45,6 mln sharshy metr turǵyn úı salý josparlanǵan bolatyn.
2023 jylǵy mamyrda Úkimet Almatynyń 2040 jylǵa deıingi bas josparyn bekitti, alaıda qazir qujat túzetý kezeńinen ótip jatyr.
Qazir Almatyda 2 mln 292 myń adam turady.
Bas jospar aıasynda Almatyda 5 polısentr paıda bolady:
• Soltústik: «Almaty-1» stansııasynyń janynda ornalasqan. Munda qyzmet kórsetý salasy men shaǵyn bıznes damytylady, sondaı-aq demalys aımaqtary qurylady.
• Batys: «Almaty-3» jańa vokzalynyń jáne Boraldaı kentiniń aýdanynda ornalasqan. Munda jańa kólik haby, úlken park (90 gektar) jáne kópsalaly aýrýhana salynady.
• Ońtústik-batys: Raıymbek dańǵyly men Alataý kóshesiniń janynda ornalasqan. Munda ónerkásiptik parkter, saýda jáne logıstıkalyq ortalyqtar ornalasady.
• Tarıhı ortalyǵy: Medeý aýdanyndaǵy «altyn sharshy metr». Munda ǵımarattar qalpyna keltiriledi, ónerkásipke tyıym salynady.• Shyǵys qaqpasy: Talǵar jáne Qulja traktileriniń aýdany. Munda iri logıstıkalyq hab ornalasady.
