Parlament 2026-2028 jyldarǵa arnalǵan respýblıkalyq bıýdjetti bekitti. Qujatta túrli esepteýler men áleýmettik tólemder úshin qajet negizgi parametrler belgilengen.
2026 jylǵa arnalǵan basty kórsetkishter:
- AEK – 4 325 teńge (2025 jyly – 3 932 teńge).
- Eń tómengi jalaqy – 85 000 teńge (ózgerissiz).
- Tómengi zeınetaqy – 69 049 teńge (2025 jyly – 62 771 teńge).
- Memlekettik bazalyq zeınetaqy tóleminiń eń tómengi mólsheri – 35 596 teńge (2025 jyly – 32 360 teńge).
- Eń tómengi kúnkóris deńgeıi – 50 851 teńge (2025 jyly – 46 228 teńge).
AEK – memleket aıyppuldar, áleýmettik tólemder, járdemaqylar, salyqtar men túrli jeńildikterdi esepteý úshin qoldanatyn biryńǵaı kórsetkish. Bul júıe barlyq tólemder men sanksııalardy ár joly qaıta eseptemeı, bir bazaǵa baılaýǵa múmkindik beredi.
Baǵa ósimi men ómir súrý qunynyń joǵarylaýyna baılanysty AEK te jyl saıyn ındeksasııalanady. Bul aıyppuldar men tólemderdiń qunsyzdanbaýyna, ınflıasııaǵa beıimdelýine kómektesedi.
