Model Sıfrlyq shtab sheńberinde basqarýdyń strategııalyq jáne operasııalyq deńgeıin qarastyrady. Operasııalyq basqarýdy bolashaq Sıfrlyq transformasııa jónindegi komıssııa, ıaǵnı qazirgi Memlekettik qyzmetter kórsetý máseleleri jónindegi vedomstvoaralyq komıssııa júzege asyrady.
Qujat Prezıdenttiń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda belgilengen tapsyrmalary sheńberinde ázirlenip jatyr.
Shtab strategııany ázirleý negizinde turaqty ekonomıkalyq ósimge qol jetkizý, «ortasha tabys tuzaǵyn» eńserý jáne sıfrlyq memleket formatyna kóshýge tıis mindetterdi júzege asyrýǵa baǵyttalǵan birqatar sheshim qabyldady.
Jasandy ıntellekt jáne sıfrlyq damý mınıstrliginiń málimeti boıynsha jańa Strategııa ulttyq «muzjarǵysh» jobalar júıesinde qurylmaq. Olardyń árqaısysynda jeke KPI-y men tıisti merzimi kórsetiledi. 10 negizgi baǵytty qamtıdy. Olar – sıfrlyq memlekettik qyzmetter, densaýlyq saqtaý, bilim berý, eńbek naryǵy, sıfrlyq ekonomıka men derekter, kıberqaýipsizdik, robottehnıka, sıfrlyq ınfraqurylym, retteý jáne startaptar ekojúıesi.
Mysal retinde bilim berý salasy tańdaldy. «JI negizindegi ınteraktıvti bilim berý» jobasynda JI-ýnıversıtetin qurý, Tomorrow-school-dy keńeıtý, GPT Education engizý jáne oqýshylarǵa arnalǵan JI baǵdarlamasyn iske qosý kózdeledi. Bul jobalar sıfrlyq saýattyń ósýin jáne Qazaqstannyń PISA reıtıngindegi pozısııasyn jaqsartýǵa múmkindik berýge tıis.
Strategııany júzege asyrý JI esebinen ekonomıkalyq ósýdi jedeldetýge, avtomattandyrý jáne sıfrlyq servıster esebinen eńbek ónimdiligin arttyrýǵa, memlekettik qyzmetter men sheshimder qabyldaý merzimderin qysqartýǵa, jańa joǵary tehnologııalyq salalar men jumys oryndaryn ashýǵa, STEM salalarynda jańa sıfrlyq mamandardy daıarlaýǵa ákeledi dep kútilýde.
Premer-mınıstrdiń orynbasary – Jasandy ıntellekt jáne sıfrlyq damý mınıstri Jaslan Mádıev álemde JI-ge salynatyn ınvestısııalar joǵary qarqynmen ósip kele jatqanyn aıtty. 2028 jylǵa qaraı kóshbasshy elderde JI ınvestısııalary ortasha eseppen jyldyq IJО́-niń 4-6%-na jetedi, bul JI-dy ekonomıkalyq ósýdiń negizgi draıverleriniń biri retinde aıqyndaıdy. Álemdik tájirıbe kórsetkendeı, mundaı ınvestısııalardyń negizgi bóligi (65%-ǵa deıin) serverlerdi, derekterdi saqtaý júıelerin jáne esepteý klasterlerimen qatar IT-jabdyqqa baǵyttalady, al servıster men baǵdarlamalyq qamtamasyz etý sáıkesinshe 15-20% jáne 20-25%-dy quraıdy.
