«Bul – meniń sheshimim. Men Dastannan ádeıi sary qaǵaz alýdy suradym. Ol buǵan deıingi oıyndarda eki ret sary qaǵaz alǵan edi. Sondyqtan bul taktıkalyq sheshim boldy. Endi ol densaýlyǵyna kóńil bólip, emdeledi jáne kelesi oıynǵa qatyspaıdy. Esesine, qalǵan eki oıynǵa esh alańsyz daıyndalady», dedi Ýrazbahtın.
Aıta keteıik, Dastan Sátpaev keshe «Kopengagen» qaqpasynan sańylaý tapty jáne Chempıondar lıgasynyń negizgi kezeńinde gol soqqan alǵashqy qazaq fýtbolshysy atandy. Sonymen qatar ol ChL tarıhynda gol salǵan (17 jas, 110 kún) eń jas oıynshylardyń úshtigine kirdi. Buǵan deıin mundaı ataqqa Ansý Fatı (17 jas, 40 kún) men Lamın Iаmal (17 jas, 68 kún) qol jetkizgen edi.
Syrt alańda ótken kezdesý 2:3 esebimen «Kopengagen» jeńisimen aıaqtaldy. «Qaırat» sapynan Oljas Baıbek te bul oıynda mergendigimen kózge tústi.
