Foto: Astana qalasy ákimdigi
Kırpıchnyı óndiristik aımaq ári jeke úılerdiń murjasynan shyqqan tútinnen aýa sapasy nashar bolǵan. Talǵat Rahmanberdiniń aıtýynsha gazdandyrýdyń arqasynda ekologııalyq jaǵdaı da edáýir jaqsarady.
Kırpıchnyı alabyn gazdandyrý úshin JEO-1-den joǵary qysymdy 18 shaqyrymdyq gaz qubyry tartylyp, qazir eldi mekendegi 255 úıdiń irgesine gaz kelip tur. Al gazǵa qosý isi kezeń-kezeńimen júzege asyrylady.
«Gaz qubyrynyń ótkizý qabileti saǵatyna 5 myń tekshe metrden asady. Gazǵa qosylý úshin jeke kýálik, tehnıkalyq pasport, jer aktisi jáne úıdiń menshik qujattary qajet. О́tinishti eGov arqyly onlaın berýge bolady», dedi «QazaqGaz Aimaq» AQ Astana óndiristik fılıalynyń dırektory Ýálıhan Qymbatov.
Aıta keteıik, Astanany gazdandyrý isi 2019 jyly bastalǵan. Jeke úılermen qatar jylý elektr ortalyqtary da kógildir otyn tutyný júıesine kóshirildi. Al 2025 jyldyń basynda «Family Village» turǵyn alabyna gaz berildi. Respýblıka kúnine oraı Telman turǵyn alaby da gaz júıesine qosyldy.
Buǵan deıin Astana mańyndaǵy Qoıandy aýylynyń turǵyndary tabıǵı gazǵa qol jetkizgenin habarlaǵanbyz.
