Onyń aıtýynsha, Qazaqstanda ázirge balamaly áskerı qyzmet qarastyrylmaǵan.
Balamaly áskerı qyzmet – bul mindetti áskerı boryshty atqarýdyń ornyna usynylatyn memlekettik qyzmet túri. Ol dinı, moraldyq nemese basqa da senimderine baılanysty qarýly qaqtyǵystarǵa qatysa almaıtyn azamattarǵa arnalǵan. Mundaı quqyq halyqaralyq normalarda (mysaly, Birikken Ulttar Uıymynyń 1948 jylǵy Konvensııasynda) jáne kóptegen elderdiń ulttyq zańnamasynda bekitilgen.
«Bizde 24 jasqa tolǵannan keıin belgili bir keıinge qaldyrý jaǵdaıy nemese densaýlyqqa baılanysty sebepter bolsa, resmı túrde aqy tólep, 40 kúndik kýrstan ótip, áskerı bılet alýǵa múmkindik bar. Qazir naqty esimde joq, shamamen 240 myń teńge... nemese 300 myń teńge kóleminde», dedi Serik Býrambaev Májilis kýlýarynda.
Onyń sózinshe, bul úshin áskerı komıssarıatqa barýdyń qajeti joq, ótinishti onlaın túrde «sıfrlyq áskerı komıssarıat» arqyly berýge bolady.
«Mysaly, siz: “Maǵan áskerı bılet kerek, qyzmet etýim qajet” deısiz. Sol kezde úmitker kezekke turady, tólem jasaıdy jáne kezegi kelgende qyzmetten ótedi», dep tolyqtyrdy mınıstrdiń orynbasary.
