South China Morning Post basylymynyń jazýynsha, qutqarýshylar áli de iz-túzsiz joǵalǵandardy izdep jatyr. О́rtten aman qalǵan bir adam ǵımarattyń baspaldaq alańynan tabylǵan.
Oqıǵa boıynsha belgili derekter:
- 83 adam qaza boldy, olardyń qatarynda 1 órt sóndirýshi bar.
- 76 adam jaraqat alǵan, onyń ishinde 11 órt sóndirýshi bar.
- Qutqarý qyzmeti 50 shaqyrtýǵa áli jete almaı jatyr.
- Áıel, qart er adam jáne birneshe úı janýary evakýasııalandy.
- Keshendegi segiz turǵyn blok shilde 2024 jyldan beri jóndeýde, ǵımarattar bambýk qurylymdarymen jáne jasyl torlarmen qaptalǵan.
- О́rttiń jyldam taralýyna jóndeý kezinde qoldanylǵan janǵysh penopolıstırol sebep bolǵany habarlandy.
- Úkimet órttiń naqty sebebin anyqtaý úshin qylmystyq tergeý bastady.
- Jóndeý jumystaryn júrgizgen kompanııanyń eki dırektory men keńesshisi ustaldy. Olarǵa abaısyzda kisi óltirý baby boıynsha aıyp taǵylǵan.
- Sondaı-aq 330 mln gonkong dollaryna jasalǵan jóndeý jumystaryna qatysty sybaılas jemqorlyq tergeýi júrip jatyr.
- Polısııa sondaı-aq keshendi basqaratyn basqarýshy kompanııa keńselerinde tintý júrgizýde.
- Úsh 31 qabatty ǵımarattyń joǵarǵy qabattarynda órt áli janyp jatqanymen, jalyn jalpy baqylaýǵa alynǵan.
- Aýrýhanalarda 56 adam em alyp jatyr, 45 adam aýyr halde jatyr.
- 300-ge jýyq adam iz-túzsiz joǵalyp ketken.
- О́rt segiz kópqabatty úıdiń jeteýinde aýyzdyqtaldy, biraq úsh ǵımarattyń ústińgi qabattarynda áli janyp jatyr
- О́rtti sóndirý úshin 28 qutqarý toby jumys istep jatyr.
Qutqarý jumystary toqtaǵan joq. Bılik órttiń neden bastalǵanyn jáne jóndeý jumystary kezinde qaýipsizdik talaptarynyń saqtalǵan-saqtalmaǵanyn anyqtap jatyr.
