Sýret: primeminister.kz
Eýropalyq odaqtyń uıymdastyrýymen ótken is-sharaǵa eýropalyq komıssarlar, О́zbekstan, Tájikstan men Qyrǵyzstan úkimetteri basshylarynyń orynbasarlary, Túrikmenstan Qarjy jáne ekonomıka mınıstrliginiń basshylyǵy qatysty.
«Eýropalyq odaq – Ortalyq Azııa» ekonomıkalyq forýmy – Eýroodaq pen Ortalyq Azııa elderi arasyndaǵy ekonomıkalyq ózara is-qımyl, saýda, ınvestısııalar men turaqty damý máselelerin talqylaý jóninde mańyzdy alań. Forým aıasynda ekonomıkalyq baılanystardy keńeıtý, kólik pen energetıkalyq baılanysty damytý, ornyqty jetkizý tizbekterin nyǵaıtý, sondaı-aq sıfrlandyrý úderisterin ilgeriletý máseleleri talqylandy.
Plenarlyq otyrysta sóılegen sózinde Ǵalymjan Qoıshybaev Qazaqstan men Eýropalyq Odaq ekonomıkalyq baılanystardy keńeıtý boıynsha turaqty serpindi saqtap otyrǵanyn aıtty. Ol Prezıdent Qasym-Jomart Toqaevtyń EO-men kópjaqty yntymaqtastyqty odan ári nyǵaıtýǵa erekshe mán beretinin ári Ortalyq Azııa elderi men Eýropalyq Odaq arasyndaǵy konstrýktıvti dıalogti joǵary baǵalaıtynyn atap ótti.
El delegasııasynyń basshysy óńirdegi jan-jaqty ekonomıkalyq kooperasııany damytýdyń, ınvestısııalyq yntymaqtastyqty tereńdetýdiń mańyzdylyǵyna nazar aýdaryp, ulttyq ekonomıkanyń qurylymdyq transformasııasyna baǵyttalǵan reformalar týraly baıandady.
Ǵalymjan Qoıshybaev el Úkimetiniń Ortalyq Azııa elderi men Eýropalyq odaqpen uzaqmerzimdi seriktestik qurýǵa, ornyqty ortaq damýdy qamtamasyz etýge daıyn ekenin málimdedi.
Forým aıasynda Halyqaralyq seriktestik jónindegi eýropalyq komıssar Iozef Sıkelamen jumys kezdesýi ótti. Kezdesý barysynda taraptar Qazaqstan men EO arasyndaǵy qatynastardyń strategııalyq sıpatyna nazar aýdaryp, ekonomıka salasyndaǵy basym baǵyttar boıynsha birlesken jobalardy júzege asyrý máselelerin talqylady.
Transkaspıı halyqaralyq kólik baǵytyn damytý men EO-nyń «Global Gateway» bastamasy aıasyndaǵy praktıkalyq yntymaqtastyqty nyǵaıtýǵa erekshe kóńil bóldi. Atalǵan bastama Qazaqstan men búkil óńirdiń tranzıttik áleýetin arttyrýǵa qosymsha múmkindikter ashady.
Kezdesý qorytyndysynda taraptar strategııalyq yntymaqtastyqty tereńdetýge, ornyqty ekonomıkalyq baılanystardy damytý men jańa ınvestısııalyq ári ınfraqurylymdyq jobalardy birlesip júzege asyrýǵa kelisti.
