Foto:gov.kz
Turǵynnyń aıtýynsha, qaladaǵy sýpermarketterdiń birinde taýardyń baǵasy ulttyq valıýta – teńgemen emes, Reseı rýblimen kórsetilgen. Túsken ótinish negizinde departament mamandary saýda nysanyna jospardan tys tekseris júrgizdi. Tekserý barysynda zań buzýshylyq faktisi rastalyp, baǵa belgilerinde shetel valıýtasy kórsetilgeni anyqtaldy.
«Bul elimizdiń zańnamasyna qaıshy, sebebi taýarlar men qyzmetterdiń baǵasy tek teńgemen kórsetilýi tıis. Tekserý nátıjesinde sýpermarket ıesi ákimshilik jaýapkershilikke tartyldy. Sonymen qatar, departament anyqtalǵan zań buzýshylyqtardy joıý týraly nusqama berip, saýda ornynyń basshylyǵyna baǵa belgilerin zań talaptaryna sáıkestendirýdi mindettedi», delingen mınıstrliktiń habarlamasynda.
Mundaı jaǵdaılar tutynýshylardy shatastyryp qana qoımaı, olardyń quqyqtaryn da buzady. Baǵanyń shetel valıýtasymen kórsetilýi esep aıyrysýda qıyndyqtar týǵyzyp, saýda oryndaryna degen senimsizdik qalyptastyrýy múmkin.
Soltústik Qazaqstan oblysynyń Saýda jáne tutynýshylardyń quqyqtaryn qorǵaý departamenti árbir azamat taýardyń quny týraly durys ári ashyq aqparat alýǵa quqyly ekenin eske salady. Zań buzýshylyq anyqtalǵan jaǵdaıda tutynýshylar óz múddelerin qorǵaý úshin ýákiletti organdarǵa júgine alady.
