Eki myńǵa jýyq turǵyny bar Bostandyq aýyldyq okrýgi úshin bul – mańyzdy áleýmettik nysan. Zamanaýı sport kesheni aýyl jastary men turǵyndarynyń salaýatty ómir saltyn ustanyp, bos ýaqytyn tıimdi ótkizýine múmkindik beredi.
Munda qazaqsha kúres, boks, kıkboksıng, voleıbol jáne basketbol sııaqty sport túrlerimen aınalysýǵa barlyq jaǵdaı jasalǵan.
Qurylys jumystaryn «Ál-Mansur» jaýapkershiligi shekteýli seriktestigi júrgizdi. Jobanyń jalpy quny – 562,7 mln. teńge.
Jańa keshende 18 adam turaqty jumyspen qamtyldy. Olardyń qatarynda sport nusqaýshylary, medısına qyzmetkeri jáne ózge de qyzmetkerler bar.
«Sport kesheni – aýylymyzǵa tabystalǵan úlken syı. Týǵan jerimizdiń abyroıy bıiktep, Jambyl oblysynyń sporttaǵy jetistigi arta bersin», deıdi Bostandyq aýylynyń ardagerler keńesiniń tóraǵasy Rát Aıǵaraev.
Jambyl oblysy
