Foto: istockphoto.com
QTJ málimetinshe, 2025 jyldyń 30 qarashasynda saǵat 14:56-da Jetisý oblysyndaǵy Dos – Saryózek aralyǵynda júk poıyzynyń mashınısi saǵatyna 43 km jyldamdyqpen kele jatyp, temirjol boıyna adam shyqqanyn kórip, poıyzdy shuǵyl tejegen.
«Er adam lokomotıvten berilgen dabyldarǵa qaramaı, rels ústinde toqtap qalǵan. Nátıjesinde ol aıaǵyn jaraqattap, Saryózek stansııasynyń aýrýhanasyna jedel jetkizildi.
Poıyz 15:35-te qozǵalysyn jalǵastyrdy, 39 mınýtqa kidiris boldy», dep habarlady ulttyq kompanııa.
QTJ barlyq azamattardy temirjol boıynda qaýipsizdik erejelerin qatań saqtaýǵa jáne tek ruqsat etilgen jerlerden ótýge shaqyrdy. Bul erejelerdi saqtaý – qaıǵyly jaǵdaılardyń aldyn alýdyń basty sharty.
