Foto: Ashyq derekkóz
Ortalyq kommýnıkasııalar qyzmetinde ótken baspasóz máslıhatynda «Damý» kásipkerlikti damytý qory» AQ basqarma tóraǵasynyń orynbasary Talǵat Smaǵulov bıylǵy qoldaý sharalary týraly málimet berdi. Onyń aıtýynsha, qor memleketten iri kólemde sýbsıdııalaýdy qajet etetin modelden bas tartqan.
«Osy jyly biz eki kepildik qoryn «Damý» bazasynda qurdyq. Kásipkerler úshin eń mańyzdy mindet – jetkiliksiz kepilzat problemasyn sheshý. Eger kásipkerlerge tolyq kepil bolmasa, bank táýekeldiń bir bóligin «Damýdyń» kepildigi arqyly sheship, kásipkerge nesıe berý múmkindigi týady. Nátıjesinde 700 mlrd teńgeden astam nesıe berildi. Onyń ishinde Qor bergen kepildiktiń mólsheri 447 mlrd teńgege jetti. Bul nátıje ótken jylmen salystyrǵanda 158%-ǵa artty», dedi Talǵat Smaǵulov.
Birinshi kepildik qory aıtarlyqtaı nátıjeler kórsetti: 383 mlrd teńge kóleminde nesıe berilgen, onyń 212 mlrd teńgesi «Damý» qory arqyly baǵyttaldy.
Buryn kepildik qorynyń rezervi tek memlekettik bıýdjetten qarjylandyrylsa, qazir jarna kólemi ulǵaıyp, qarjylandyrý kózderi keńeıdi. Ekinshi deńgeıli bankter mindetti jarnalar quıady, qarjy ınstıtýttary erikti jarnalar tóleıdi. Sonymen qatar kásipkerlerdiń komıssııalary men qordyń óz qarajaty bar.
Kepildikter portfeldik tásilmen rásimdeledi. Iаǵnı, bank oń sheshim qabyldaǵannan keıin «Damý» qory eki jumys kúni ishinde sheshim shyǵarady.
