Oqıǵa • 01 Jeltoqsan, 2025

Jetisaıdaǵy órt: Aýrýhanaǵa túsken 7 jastaǵy qyz qaıtys boldy

20 ret

kórsetildi

1 mın

oqý úshin

8 qarasha kúni Túrkistan oblysy Jetisaı aýdany Alǵabas aýylyndaǵy eki qabatty jeke turǵyn úıden órt shyǵyp, 12 adam mert bolǵan edi. О́rt bolǵan kúni 3 adam aman qalyp, aýrýhanaǵa jetkizilgen bolatyn. Túrkistan oblystyq densaýlyq saqtaý basqarmasy keshe 7 jastaǵy qyzdyń aýrýhanada kóz jumǵanyn habarlady, dep jazady Egemen.kz.

Dana MYRZAQADIR

Jetisaıdaǵy órt: Aýrýhanaǵa túsken 7 jastaǵy qyz qaıtys boldy

Foto: Ashyq derekkózden

«2025 jyldyń 30 qarashasynda Jetisaı aýdanynda bolǵan órt saldarynan óte aýyr jaǵdaıda jetkizilgen 2018 jylǵy naýqas kóz jumdy. Kórsetilgen ıntensıvti terapııaǵa, beıindi mamandardyń keńesterine, reanımasııalyq jáne dezıntoksıkasııalyq sharalardyń tolyq keshenine qaramastan, ortalyq júıke júıesiniń aýyr zaqymynan pasıentti aman alyp qalý múmkin bolmady», delingen Túrkistan oblystyq densaýlyq saqtaý basqarmasy taratqan habarlamada.

Buǵan deıin qyzyl jalyn turǵyn úıdiń 360 sharshy metrin qamtyǵanyn habarlaǵan bolatynbyz. О́rtten qaza bolǵan 12 adamnyń 9-y bala edi.

Keıinnen quzyrly organdar oqıǵa ornynan foto-vıdeolar jarııalady.

Prezıdent Qasym-Jomart Toqaev órtten qaza tapqandardyń otbasylaryna kóńil aıtyp, Úkimet pen oblys ákimine barlyq qajetti kómek kórsetýdi jáne qaıǵyly oqıǵanyń sebebin anyqtaýdy tapsyrdy.