Krisp_almaty paraqshasynda jarııalanǵan málimetke sáıkes, oqıǵa Almatydaǵy «Kaspıı» turǵyn úı kesheniniń aýlasynda bolǵan.
«Kýágerlerdiń aıtýynsha, aldymen balalar arasynda kelispeýshilik týyndaǵan, keıin eresek er adam balalardyń isine aralasqan. Beınejazbadan er adamnyń júgirip baryp, balany qatty teýip jibergeni anyq kórinedi. Odan keıin onyń jubaıy balaǵa ursyp, qulaǵynan tartqylap, zardap shekken balanyń ájesimen sózge kele bastaǵan.
Ata-anasynyń aıtýynsha, erli-zaıyptylar óz kinásin moıyndamaı otyr. Bala aýrýhanaǵa jetkizildi, dárigerler balanyń mıy shaıqalǵanyn aıtty», delingen habarlamada.
Turǵyn úı kesheni turǵyndary obektıvti tergeý júrgizýdi jáne balanyń densaýlyǵyna zııan keltirgenderge ádil shara qoldanýdy suraıdy.
Elimizdiń bala quqyqtary jónindegi ýákili Dınara Zakıeva oqıǵaǵa qatysty túsinikteme berdi. Onyń aıtýynsha, Almatydaǵy oıyn alańynda balaǵa qatysty kúsh qoldaný faktisi boıynsha qylmystyq is qozǵaldy. Sondaı-aq ol zardap shekken balaǵa barlyq qajetti kómek kórsetiletinin aıtty.
