Foto: Eńbek jáne halyqty áleýmettik qorǵaý mınıstrligi
JI medısınalyq qujattardan derekterdi taný jáne qurylymdaý júıesi retinde paıdalanylmaq, bul usynylǵan málimetterdiń tolyqtyǵyn anyqtaý, dıagnozdardy eńbekke qabilettilikten aıyrylý dárejesimen (syrqat túrleriniń halyqaralyq jiktemesine sáıkes) salystyrý, sondaı-aq qorytyndy sheshim boıynsha usynymdar berý sııaqty prosesterdi avtomattandyrýǵa múmkindik beredi.
Eńbek jáne halyqty áleýmettik qorǵaý mınıstrliginiń málimetinshe, qazirgi ýaqytta JI modelin oqytý, elektrondyq qujattardy usyný úshin aqparattyq júıelerdi ıntegrasııalaý, klınıkalyq dıagnozdy rastaıtyn barlyq emdeý-dıagnostıkalyq, zerthanalyq jáne aspaptyq zertteýlerdi sıfrlandyrý jáne qurylymdalǵan túrde berý jumystary júrgizilip jatyr.
Daıyndyq kezeńi aıaqtalǵannan keıin kýálandyrýdyń jańa formatyn pılottyq rejimde aprobasııalaý (joramaldy dáleldeý úshin tájirıbe júzinde zertteýler júrgizý) josparǵa alynǵan.
