Foto: Ashyq derekkóz
Reseı prezıdenti Vladımır Pýtın qol qoıǵan jarlyqqa sáıkes, Qytaı azamattary 2026 jyldyń 14 qyrkúıegine deıin Reseıge vızasyz kirip-shyǵa alady. Jeńildik ózara negizde engizilip otyr jáne demalys, iskerlik kelissózder, ǵylymı, mádenı, áleýmettik-saıası, ekonomıkalyq jáne sporttyq is-sharalarǵa qatysý, sondaı-aq tranzıtpen ótý sekildi sapar túrlerine taralady.
Vızasyz rejımdi paıdalaný úshin Qytaı azamatynyń jaramdy tólqujaty bolýy jetkilikti.
Alaıda bul tártip jumys isteý, oqý nemese turaqty turý maqsatynda keletinderge qoldanylmaıdy. Sondaı-aq, halyqaralyq avtokólik qatynasy salasynda júrgen júrgizýshiler, ekıpaj músheleri, júk ekspedıtorlary men aýdarmashylar da vızasyz kirý quqyǵyna ıe bolmaıdy.
Qytaı tarapy da buǵan deıin dál osyndaı rejım engizgen bolatyn. Eki eldiń vızasyz kelisimi 2026 jyldyń qyrkúıegine deıin kúshinde bolady.
