Sýret: abai.kz
Týrnırge Túrkııadaǵy birneshe qala men joǵary oqý oryndarynda oqıtyn qazaq stýdentterinen quralǵan komandalar qatysty. Oıyn barysynda jankúıerler óz komandalaryn belsendi qoldap, erekshe atmosfera qalyptastyrdy.
– Jarystyń maqsaty – qazaq stýdentteri arasyndaǵy dostyqty nyǵaıtyp, olardyń sportqa qyzyǵýshylyǵyn arttyrý. Sondaı-aq shetelde oqyp júrgen jastarymyzdyń basyn biriktirý, – dedi Qazaqstannyń Ystanbul qalasyndaǵy bas konsýly Amanqul Nurıddın.
Sonymen dástúrge aınalǵan «Birlik Arbella Super Cup» fýtbol týrnıriniń bıylǵy chempıony Sakarıa qalasynyń stýdentteri atandy. Ankara shaharynyń stýdentteri qyzyqty oıyn órnegin kórsetip, 2-oryndy ıelendi. 3-oryn Ystanbul qalasyndaǵy Halıch ýnıversıteti men Eskıshehır qalasynyń komandalaryna buıyrdy.
Ásirese bizdi Afon qalasyndaǵy «Birlik» qazaq jastary uıymynyń qonaqjaılylyǵy aıryqsha tánti etti. Olar jarysqa kelgen komanda múshelerin jyly shyraımen qarsy alyp, barlyq jaǵdaıdy jasady. Qatysýshylardy kólikpen alyp júrdi. Qalanyń ásem jerlerin aralatyp, jaqsy demalys uıymdastyrdy. Stýdentterdiń bári ózderiniń úılerinde júrgendeı sezindi. Bir jaǵynan, is-sharanyń osyndaı joǵary deńgeıde ótýine olardyń uıymshyldyǵy men qonaqjaılylyǵy erekshe áser etti.
Bir sózben aıtqanda, bul fýtbol týrnıri sporttyq jarys qana emes, Túrkııadaǵy qazaq jastarynyń birligin kórsetti.
Qaraqat BERDALYQYZY
Túrkııa
