AGRARShY TÚLEKTERGE DIPLOM TAPSYRÝ RÁSIMI

Astananyń týǵan kúnimen oraılas keldi 6 shildede elimizdiń agrarlyq bilimi men ǵylymy, óndirisiniń damýyna ózindik úles qosyp, aýyl sharýashylyǵy mamandaryn daıarlaý isinde kóshbasshy oqý orny bolyp sanalatyn Qazaq ulttyq agrarlyq ýnıversıtetiniń stadıonynda bıylǵy bitirýshi túlekterdiń saltanatty sherýi ótti. Aıtýly sharaǵa bilim ordasynyń oqytýshylary men jumys berýshi kásiporyn basshylary da qatysty. Qalaı desek te, bul aıtýly kún bıylǵy ýnıversıtet bitirip, úlken ómirge qanat qaqqan túlekterdiń esinde uzaq saqtalary haq. О́ıtkeni, ol eki aıtýly datamen – biri bıyl ózderi bes jyl bilim alǵan qara shańyraq seksenniń seńgirine shyq­sa, ekinshisi – elordamyz Astana qalasynyń týǵan kúnimen oraılas kelip otyr. – Qazaq ulttyq agrarlyq ýnı­versıtetinde 80 jyl boıy qalyp­tas­qan tamasha akademııalyq dás­túr­ler bar, – dedi óz sózinde ýnı­versıtet rektory, UǴA akademıgi Tilektes Espolov. – Sonyń biri – búgingi bakalavr jáne magıstratýra boıynsha ýnıversıtet bitirýshilerge dıplom tapsyrýdyń saltanatty sha­­­rasy. Bul sharanyń elimizdiń or­dasy, órkenıettiń júregi, tabys pen qarqyndy damýdyń basty sımvoly – Astana qalasynyń tý­ǵan kúninde ótkizilýi agrarlyq sala mamandarynyń bolashaǵyna aqjol tileýdiń nyshany. Sebebi, Astana tarıhı az ýaqyttyń ishinde halyqaralyq qaýymdastyq tanyǵan álemdegi eń jas elorda, sonymen qatar órkenıetti únqatysýdyń ózindik modeli qalyptasqan ór rýhty eldiń qarqyndy damýynyń dáleli bola bildi. Bul – elordany Arqa tósine kóshirýden bastap, onyń ár ǵımaratynyń salynýy men ár kóshesiniń tartylýyn jiti qadaǵalap otyrǵan Elbasy N.Á.Na­zarbaevtyń ulan-asyr jeńisi. Odan ári rektor atalmysh oqý or­ny elimizdegi agrarlyq salanyń ǵy­lymı elıtasyn qalyptastyryp otyrǵan biregeı ýnıversıtet eke­nin, sebebi onda progresshil ǵy­ly­mı ınfraqurylymnyń barlyǵyn, sonymen qatar UǴA-nyń agrarlyq bólimshesiniń atalmysh oqý ornyn­da ornalasýy – ǵalymdarǵa aý­qymdy ǵylymı-zertteý jobalaryn, zert­teý­lerin iske asyrýǵa múmkindik beretindigin aıta ketti. Ýnıversıtet óziniń 80 jyldyq tarıhynda agrarlyq bilim men ǵy­lymnyń jarqyn úlgisi bolyp kele­di. Oǵan dálel 150-ge jýyq avtor­lyq oqý quraldary qoldanysta. Búgingi tańda ýnıversıtet álemniń 157 memleketindegi oqý ordala­ry­men memorandým negizinde, 53 ha­lyq­aralyq joǵary dárejeli ýnı­ver­sıtettermen tikeleı tájirıbe almasýdy júzege asyryp keledi. 2001 jyldan álemdik 300 úzdik agrarlyq ýnıversıtetti biriktiretin, agrarlyq joǵary jáne ǵylymnyń jahandyq konsorsıýmynyń múshe­si. Sońǵy 5 jyl kóleminde ýnı­ver­sıtettiń 500-ge tarta stýdenti men jas ǵalymdary elıtaly Eýropa, AQSh ýnıversıtetterinde bilim almasý baǵdarlamalary aıasynda sheteldik tájirıbeden ótti. Qazir oqý ornynda 7 fakýltet jumys isteıdi. Onyń quramynda 40 kafedra bolsa, onda 600-den astam professor, ǵylym doktory men kandıdaty qyzmet etedi. Jekelegen kafedra oqytýshylarynyń barly­ǵy derlik ǵylymı ataqqa ıe. Bıyl bakalavr boıynsha 720 stýdent, al magıstratýra boıynsha 129 jas óren támamdasa, olardyń ishinde 14 prezıdenttik shákirtaqy, 70-ke jýyq úzdik dıplom ıegeri bar. Sherýdi ýnıversıtette tuńǵysh ashylǵan Veterınarlyq medısına jáne bıotehnologııa fakýltetiniń túlekteri bastasa, bir atap óterligi veterınarııalyq sanıtarııa jáne zootehnologııa fakýltetin úsh prezıdenttik shákirtaqy, 24 úzdik dıplom ıegeri bitirip otyr. Oqý orny jumys berýshi memle­kettik mekeme, korporasııa, ulttyq, transulttyq kompanııalarmen yn­ty­maqtastyq memorandýmdaryn qa­byldaǵan. Saltanatty rásimge bar­lyq mamandyqtar boıynsha jumys berýshi kompanııa ókilderi qatysty. Olardyń atynan sóz alǵan “Qa­zaq­ekspertıza” AQ tehnıkalyq eks­per­tıza departamentiniń dırek­to­ry Shaıh Júsipov bitirýshi tú­lekterdi jumysqa shaqyratyn­dy­ǵyn, al bıylǵy oqý barysynda tá­jirıbe almasý negizinde 5 stýdentti ózde­rine jumysqa alǵandyǵyn atap ótti. Sondaı-aq, “Ońtústik” aýyl­sha­rýashylyq ónimderi korpo­ra­sııasy 10 bilim grantyn bólip, 209 bitirýshi stýdentti jumysqa shaqyr­dy. Qy­zylsha jáne qant óndirýshi asso­sıa­sııasy ǵylymı jobalardy jú­zege asyrý maqsatynda 5 bilim gran­tyn, 5 ataýly shákirtaqy men qosymsha 13 mln. teńge qarajat bó­lip, 14 túlekti jumysqa sha­qyr­dy. Mańǵystaý aımaqtyq basqar­ma­sy­nyń agroóndiris korporasııa­symen birlese jumys jasaý ne­gizinde ke­lisim-shartqa qol qoıy­lyp, atalǵan rásimde 50 ataýly bilim granty bó­linip, 59 túlekti óz­derine shaqyrdy. Jalpy, ýnıver­sıtet búginde 100 ataýly granty men 50 ataýly shá­kir­taqy taǵaı­yndaý boıynsha, 2010 jylǵy 350 túlekti jumysqa or­na­­lastyrý ke­lisim-shartyn jasasqan. Sondaı-aq, sharaǵa Medeý aý­da­nynyń ákimi M. Bıdáliuly, “Nur Otan” HDP Al­ma­ty qalalyq fı­lıaly tóraǵasynyń orynbasary A.Jeldibaev qatysyp, jastarǵa aq jol tiledi. Dıplom tapsyrýdyń saltanatty rásimi Astananyń týǵan kúnine arnalǵan merekelik konsertke ulas­ty. Ýnıversıtettiń ulttyq kıim kıgen 500 stýdentinen quryl­ǵan bıshiler tobynyń “Qara jor­ǵa­symen” ashylǵan konserttik baǵ­dar­lama kórkemónerpaz stýdentter men tanymal ártisterdiń óner­le­rimen ulasyp, qonaqtardyń kóńilin qanattandyrdy. Al bitirýshi tú­lek­terdiń biri ómirlerindegi qýanyshty kúnde izgilik tilep, aspan kógine kógershin, shar ushyryp, merekeni qyzdyra tústi.