Qarashanyń alǵashqy úsh aptasynda áleýmettik mańyzy bar azyq-túlik taýarlarynyń baǵasy ósken joq. Jeltoqsan – jyl saıyn tutynýshylyq suranys artatyn kezeń. Jıynǵa qatysýshylar sýpermarketter men bazar sórelerinde suranysy joǵary taýarlardyń jetkilikti bolýy men baǵa turaqtylyǵyn qamtamasyz etýge qajetti sharalar keshenin talqylady.
Saýda jáne ıntegrasııa mınıstrliginiń saýda komıteti áleýmettik mańyzy bar azyq-túlik taýarlarynyń tizbesin ýaqytsha keńeıtý týraly jobany ázirledi. Tizim baǵasy jıi qubylatyn taýarlarmen tolyqtyryldy. Qujat – kelisý satysynda. Jaqyn kúnderi bıznes qoǵamdastyqpen, «Atameken» UKP-men egjeı-tegjeı talqylaýlar ótkiziledi.
О́ńirlerde aýyl sharýashylyǵy jármeńkeleri jalǵasyn taýyp jatyr. Bıyl 5 myńnan asa jármeńke ótti, olar demalys saıyn uıymdastyrylyp otyrdy. Jeltoqsan aıynda saýda jelilerimen birlesip, respýblıkalyq «Bereke fest» aksııasy qaıta ótkizilmekshi. Buǵan qosa jergilikti ákimdikter taýarlardyń keń tańdaýyn qoljetimdi baǵamen usyný maqsatynda jańa jyl aldynda jármeńkeler uıymdastyrady.
Importtyq azyq-túlikke degen maýsymdyq joǵary suranysty eskere otyryp, saýda komıteti iri ımporttaýshylar men azyq-túlik jetkizýshileriniń pýlyn qalyptastyrdy. Jaqyn ýaqytta olarmen jeltoqsan aıynda suranysy joǵary taýarlardyń baǵa turaqtylyǵyn qamtamasyz etý máseleleri jóninde kezdesýler ótedi.
Keńes qorytyndysynda S.Jumanǵarın Saýda jáne ıntegrasııa mınıstrligine ákimdiktermen birlesip, baǵa monıtorıngin turaqty júrgizýdi, jaǵdaıǵa oraı jedel áreket etýdi tapsyrdy.
