Oqıǵa • 02 Jeltoqsan, 2025

Pavlodar oblysynyń ákimi ápkesiniń qamaýǵa alynýyna qatysty pikir bildirdi

20 ret

kórsetildi

1 mın

oqý úshin

Áleýmettik jelide Pavlodar oblysynyń ákimi Asaıyn Baıhanovtyń týǵan ápkesi mas kúıinde kólik júrgizgeni úshin qamaýǵa alynǵany týraly aqparat tarady. Oblys basshysy bul jaǵdaıǵa qatysty pikir bildirdi, dep habarlaıdy Egemen.kz.

Aıana TOǴANBEK

Pavlodar oblysynyń ákimi ápkesiniń qamaýǵa alynýyna qatysty pikir bildirdi

Foto: t.me/baspasozpvl

Telegram-daǵy Kozachkow offside arnasynda «Pavlodar oblysy ákiminiń týǵan ápkesi mas kúıinde rólge otyrǵany úshin ustaldy. Oǵan 7 jylǵa júrgizýshi kýáliginen aıyrý jáne 15 táýlikke qamaý jazasy taǵaıyndaldy», degen jazba paıda boldy.

Aıta keteıik, bir aı buryn Ekibastuzda patrýldik polısııa «Hyundai Tucson» markaly avtokólikti toqtatqan. Kólik tizgindegen áıelden alkogol ıisi shyqqan. Júrgizýshini narkologııalyq dıspanserge jetkizip, tekserý nátıjesinde júrgizýshiniń jeńil dárejede mas kúıde bolǵany anyqtalǵan. Polısııa qyzmetkerleri ÁQBtK-niń 608-babynyń 1-bóligi boıynsha hattama toltyrǵan.

Sotta 53 jastaǵy áıel eshqaıda júrmegenin, tek tońǵandyqtan kólikke otyryp, jylynbaq bolǵanyn aıtqan. Alaıda patrýldik polıseıler kólikti qozǵalys ústinde toqtatqanyn málimdedi. Sot polıseılerdiń hattamany negizdi túrde toltyrǵanyn anyqtap, áıeldi 7 jyl merzimge júrgizýshi kýáliginen aıyrý jáne 15 táýlikke qamaý jazasyn taǵaıyndaý týraly sheshim shyǵardy.

Pavlodar oblysynyń ákimi Asaın Baıhanov bul oqıǵaǵa qatysty óz pikirin bildirdi.

«Meniń úlken ápkemniń ákimshilik jaýapkershilikke tartylýyna qatysty mynany aıta alamyn: barlyq azamattar zań aldynda teń. Meniń ápkem de, otbasymyzdyń basqa músheleri sııaqty, bul qaǵıdattan tys emes», dep jazdy ol threads áleýmettik jelisinde.