2026 jyldan bastap oqshaýlaýdy tereńdetýge, tehnologııalar transfertin damytýǵa jáne qazaqstandyq óndirýshilerdiń eksporttyq áleýetin keńeıtýge baǵyttalǵan uzaq merzimdi sharttar jasasýdyń jańartylǵan qaǵıdalary kúshine enedi. Mundaı sharttardyń merzimderi oqshaýlaý deńgeıine baılanysty belgilenedi jáne keminde bes jyldy quraıdy.
Sonymen qatar, Mınıstrlik uzaq merzimdi kelisimsharttardyń shamadan tys úlesi naryqtyq básekelestikti shekteýi múmkin ekenin atap ótti. Osyǵan baılanysty otandyq kompanııalardyń arasynda barynsha básekelestik ortany qalyptastyrý josparlanyp jatyr.
Budan basqa, Mınıstrlik Tegin medısınalyq kómektiń kepildendirilgen kólemi (TMKKK) jáne MÁMS sheńberinde jetkiziletin dárilik zattardy óndirý kezinde paıdalanylatyn ımporttalatyn sýbstansııalar men shıkizatty QQS-tan bosatý týraly Úkimet qaýlysynyń jobasyn ázirledi.
Bul shara ózindik qunyn tómendetýge jáne jergilikti óndiristiń ósýin odan ári yntalandyrýǵa baǵyttalǵan.
Densaýlyq saqtaý mınıstrligi otandyq farmasevtıka salasyn qoldaý, ashyq jáne básekelestik naryqty qalyptastyrý jáne halyqty sapaly, qoljetimdi dárilik zattarmen qamtamasyz etý jónindegi dáıekti sharalardy iske asyrýdy jalǵastyrady.
