2026 jyly jalpy somasy 394 mlrd teńge bolatyn 50 jobany iske asyrý jáne 2 jarym myń jańa jumys ornyn ashý josparlanyp otyr.
Sonyń biri – Jambyl oblysynda júzege asatyn joba. Onda 300 myń tonna júgerini tereń óńdeý kózdelse, Almaty oblysynda 25 myń tonna jemis-jıdekti óńdeý isi qolǵa alynbaq. Budan bólek, balmuzdaq óndirisi 35 myń tonnaǵa deıin ulǵaıtylady jáne taǵy bir joba aıasynda 250 myń tonna shamasynda astyq jáne maıly daqyldar óńdelmek.
Mınıstrdiń dereginshe, Qostanaı oblysynda kondıterlik ónimder óndirisi 13 myń tonnaǵa artady. Al Abaı oblysynda 7,2 myń tonna shujyq ónimderiniń óndirisi iske qosylady. 2027 jyly jalpy somasy 874,3 mlrd teńge bolatyn 26 jobany iske asyrý jáne 3,5 myńnan astam jumys ornyn qurý kózdelip otyr.
Onyń ishinde Astana qalasynda 250 myń tonna bıdaı jáne 80 myń tonna burshaq óńdeıtin, al Aqmola oblysynda jylyna 1 mln tonna bıdaı óńdeıtin joba iske aspaq. Qolǵa alynatyn bastamalar qatarynda jumyrtqa, kartop, mal men ósimdik ónimderin óńdeý jobalary bar.
Aıta keteıik, bıyl 9 aıda 2,5 mlrd dollardyń aýyl sharýashylyǵy ónimderi eksportqa shyǵaryldy.
