ShILDEHANA, BESIK TOI...

6 shilde kúni oblysta 83 náreste dúnıege kelip, olardyń kóbisine Nursultan, Astanaı, Nuraı esimderi berildi “О́mirdiń bir qyzyǵy bala degen”. Shynynda dúnıege shyr etip náreste kelgen sátten artyq qýanysh joq. Oǵan áke de, ana da, ata da, áje de, bala da, baýyr da qýanady. Qýanyshtyń sońy “al endi bul shaqalaqtyń esimin kim qoıamyz?” degen tatý-tátti pikir­ta­lasqa ulasady. Bizdiń elimizde 6 shilde kúni dúnıege kelgen ul-qyzǵa, menińshe, ata-analar men ata-ájeler “Munyń atyn kim qoıamyz?” dep kóp oı­la­nyp, kóp tolǵanbaıtyn sııaqty. О́ıtkeni, bul elordamyz – Astana qa­lasynyń týǵan kúni! Ol az dese­ńiz, táýelsiz Qazaqstannyń Tuń­ǵysh Prezıdenti – Nursultan Nazarbaev ta dál osy kúni ińkár dúnıeniń esigin ińgálap ashypty. Sondyqtan bolar, Jambyl ob­lys­tyq isker áıelder assosıa­sııasy­nyń tóraıymy Gúldara Nurymova bastaǵan jaısań qyz-kelinshekter osy kúni oblystyq perınataldyq ortalyqty betke aldy. Betke al­ǵan­da, sábıler iń­gá­laǵan ǵımarat­tyń tabaldyryǵynan baǵaly syı-sııapattarmen attady. 6 shilde kúni oblystyq perı­na­tal­dyq ortalyqta 17 náreste dú­nıege kelipti. Al 7 jas ana elorda men Elbasynyń týǵan kúni dúnıege kelgen náresteleriniń atyn Nur­sultan dep qoıamyz dep tańdap ta úlgeripti. Sondaı-aq, qyzdarynyń esimderin Astanaı, Nuraı, Nu­r­aıym dep qoıýdy oılastyryp otyrǵan analar da tabyldy. Iаǵnı, endi Baızaq aýdanynyń turǵyny Raıhan Amanbaeva, Jambyl aýda­ny­nyń turǵyny Juldyz Juma­bae­va, Qordaı aýdanynyń turǵyny Aıgúl Jumanova, Jýaly aýdany­nyń turǵyny Narıma Qazym­ha­no­va, Turar Rysqulov atyndaǵy aýdan­nyń turǵyny Aınur Ertae­va­lardyń uldarynyń aty Elbasy esimi qurmetine – Nursultan dep atalatyn bolady. Al Jambyl aýdanynyń taǵy bir turǵyny Áıgerim Bekbolova qyzynyń esimin Astanaı dep qoı­ǵysy kelse, Lýgovoı beketiniń tur­ǵyny Nurgúl Qarabotaeva Nuraı dep ataýdy qalapty. Jalpy bul kúni oblys boı­yn­sha 83 sábı dúnıege kelip, onyń 43-i ul, 40-y qyz bolyp shyqty. Taraz qalasyndaǵy №1 qalalyq per­zenthana shańyraǵy da aqar-shaqar qýanyshqa toly. Munda 6 shilde kúni 22 náreste dúnıege kelipti. Al Qordaı aýdanynda – 12, Merki aýdanynda 7 sábı ómir esigin ashqan. Oblystyń bas­qa aýdandarynda da kóptegen ná­res­teler jaryq dúnıemen ińgálaı sálemdesipti. Álbette, olardyń ata-analary da perzentterine eldiń arǵy-bergi tarıhyndaǵy eń qa­laýly ul-qyzdarynyń súıikti esimderin qoıatyny sózsiz. Kóp bala – kóbeıýdiń kepili. О́sip-ónýdiń órisi. “Atadan altaý tý­ǵannyń, júreginiń bastary al­tyn menen bý bolar, atadan jal­ǵyz týǵannyń, júreginiń bastary sary da jalqyn sý bolar, jal­ǵyz­dyq seni qaıteıin. Jaǵama qoldyń tıgenin, jalǵyzdyq senen kóre­min, jamaýly kıim kıgenim, jar­lylyq senen kóremin. Atadan tý­dym jalqy bop, jaqynnan kórdim talqy kóp, jasym jetpeı on beske, qorǵaıtyn jan adam joq, jasym jetip on beske, kirer me ekem keńeske, buǵana qatyp, bel bekip, eregisken dushpanmen, shyǵar kún týsa kúreske”, degen qaıran Aqtamberdi jyraý ne degen kóregen, ne degen dana edi!.. Al ata jyraý armanyn el deńg­eıinde paıymdar bolsaq, Jam­byl oblysyndaǵy myna jaq­sy dástúr sol armannyń oryndala bastaǵanyn ańǵartsa kerek. Kósemáli SÁTTIBAIULY, Jambyl oblysy.