"QazAvtoJol" málimetinshe, 2 jeltoqsan kúni keshki ýaqyttan bastap birneshe baǵytta ýaqytsha joldar jabylyp, qozǵalys shekteýleri kúshine engen.
Aqtóbe oblysy
Saǵat 19:30-dan bastap júk jáne qoǵamdyq kólikter úshin Reseı shekarasy – Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – Qytaı shekarasy baǵytyndaǵy joldyń 776-1240 shaqyrymdary («Ekoıl» JQS-dan Qyzylorda oblysynyń shekarasyna deıin) jabyldy.
Joldyń qaıta ashylýy 3 jeltoqsanda 05:00-de kútiledi.
Pavlodar oblysy
Saǵat 20:00-den bastap barlyq kólik túrleri úshin Pavlodar – Sharbaqty – Reseı shekarasy (Sharbaqty ótkizý beketi) jolynyń 0-112 shaqyrymy ýaqytsha jabyldy.
Ashylý ýaqyty – 3 jeltoqsan, 07:00.
Qyzylorda oblysy
Saǵat 20:00-den bastap júk jáne qoǵamdyq kólikter úshin Mártók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas baǵytynyń 1240-1362 shaqyrymdary (Aqtóbe oblysynyń shekarasynan Aral qalasyna deıin) jabyldy.
Shekteýler 3 jeltoqsan, 05:00-ge deıin saqtalady.
Aqmola oblysy
Saǵat 19:30-dan bastap Astana – Kókshetaý – Petropavl – Reseı shekarasy baǵytyndaǵy joldyń 19-231 shaqyrymdarynda (Shýchınsk – Astana bóligi) barlyq kólik úshin ruqsat etilgen jyldamdyq 110 km/saǵ-tan 80 km/saǵ-qa tómendetildi.
Júrgizýshilerge sapardy josparlaǵanda resmı málimetterdi nazarda ustaý usynylady.
