Is-sharanyń mańyzdylyǵy Qazaqstan men Eýropalyq odaq jáne onyń múshe memleketteri arasyndaǵy Keńeıtilgen seriktestik pen yntymaqtastyq týraly kelisimge qol qoıylýynyń 10 jyldyǵyna oraı ótkizilýimen erekshe aıshyqtaldy.
Taraptar Astana men Brıýssel arasyndaǵy strategııalyq seriktestiktiń on jyldyq nátıjelerin qorytyndylap, onyń bolashaqtaǵy damýy jónindegi kózqarastarymen bólisti.
Otyrys barysynda ekonomıkalyq baılanystar yntymaqtastyqtyń negizgi qozǵaýshy kúshi bolyp qala beretini aıtyldy. Sebebi Eýropalyq odaq elimizdiń eń iri saýda jáne ınvestısııalyq seriktesi mártebesin saqtap otyr. О́tken jyly ózara taýar aınalymy 50 mlrd dollarǵa jaqyndady, al eýropalyq ınvestısııalardyń jalpy aǵyny 200 mlrd dollarǵa jetti. Bizdiń elde eýropalyq qatysýy bar 4 myńnan astam kompanııa jumys isteıdi. Syrtqy ister mınıstri saýdany odan ári ártaraptandyrýǵa daıyn ekenin jetkizip, otandyq aýyl sharýashylyǵy ónimderiniń EO naryǵyna qol jetkizýin keńeıtýdiń mańyzdylyǵyn atap ótti.
Erekshe nazar Transkaspıı halyqaralyq kólik baǵdaryn («Orta dáliz») damytý máselesine aýdaryldy. Ǵalamdyq jetkizý tizbekteriniń transformasııasyn eskere otyryp, taraptar bul baǵyttyń Eýropa men Azııa arasyndaǵy senimdi ári turaqty kólik dálizi retindegi strategııalyq mańyzyn rastady. Qazaqstan bul korıdordy odan ári damytý úshin EO jáne óńirlik seriktestermen yntymaqtastyqty tereńdetýge daıyn ekenin jetkizdi.
Jeke baǵyt retinde «jasyl» jáne sıfrlyq transformasııa salasyndaǵy ózara is-qımyl talqylandy. Taraptar bul baǵyttyń Qazaqstan ekonomıkasynyń jańǵyrtylýyna jáne Eýropanyń ónerkásiptik turaqtylyǵyna birdeı úles qosatyn perspektıvaly sala ekenin atap ótti.
Otyrysqa qatysýshylar parlamenttik yntymaqtastyqtyń mańyzyna da toqtalyp, qarasha aıynda Brıýsselde ótken «QR – EO» parlamenttik yntymaqtastyq komıtetiniń 22-otyrysynyń tabysty ótkenin joǵary baǵalady.
Adamdar arasyndaǵy baılanystardy keńeıtýge erekshe nazar aýdaryldy. Taraptar 2 jeltoqsanda Brıýsselde Qazaqstan azamattary úshin EO vızalyq rejimin jeńildetý jáne readmıssııa týraly kelissózderdi bastaýdy quptady. Bul qadam gýmanıtarlyq baılanystardy nyǵaıtýǵa, stýdentter, ǵalymdar men kásibı mamandar úshin múmkindikterdi keńeıtýge, sondaı-aq azamattardyń mobıldigin arttyrýǵa eleýli úles qosady.
Otyrys barysynda delegasııa basshylary Qazaqstan men Eýropalyq odaqtyń kemeldengen, ornyqty jáne bolashaqqa baǵyttalǵan seriktestik qura alǵanyn atap ótti. 29 negizgi ózara is-qımyl baǵytyn qamtıtyn Keńeıtilgen seriktestik pen yntymaqtastyq týraly kelisim osy jyldar ishinde óz tıimdiligi men ózektiligin kórsetip, yntymaqtastyq pen ózara senimdi nyǵaıtýdyń berik negizine aınaldy.
Kezdesý sońynda E.Kósherbaev pen K.Kallas saıası dıalogti odan ári nyǵaıtýǵa, saýda men ınvestısııalardy damytýǵa, óńirlik ózara baılanystylyqty arttyrýǵa jáne gýmanıtarlyq saladaǵy yntymaqtastyqty tereńdetýge beıildi ekenin rastady.
