Foto: istockphoto.com
Ulytaý óńiriniń soltústigi men shyǵysynda tańerteńgilik tuman baıqalady. Qaraǵandy oblysynda da aýa raıy qubylyp, batysy men shyǵysynda kóktaıǵaq kútiledi. Kúndiz keı bólikterde jaǵdaı odan saıyn qıyndap, soltústik pen ońtústikte tuman qoıýlanady. Qaraǵandy qalasynda 3 jeltoqsan kúni kúnniń ekinshi jartysynda kóktaıǵaq bolady.
Almaty oblysynyń soltústik jáne ońtústik aýdandaryn da tuman basady. Batys Qazaqstanda tuman men kóktaıǵaq jıilep, Oral qalasynda túnde jáne tańerteń joldar taıǵaq bolýy múmkin. Mańǵystaýdyń ortalyǵy men soltústik-batysynda da kóriný deńgeıin tómendetetin tuman kútiledi.
Jambyl oblysynda jel baǵyty ózgerip, soltústik-shyǵystan soqqan jel ońtústik-batysqa aýysady. Taraz qalasynda 3-4 jeltoqsanda da tuman bolady. Astanada da kóriný múmkindigi nasharlaıdy.
Aqtóbe oblysynyń soltústik, shyǵys jáne ońtústik aýmaqtarynda kóktaıǵaq baıqalady. Aqtóbe qalasynda 3 jeltoqsanda tańerteń tuman túsedi.
Atyraýdyń soltústik jáne shyǵys bólikterinde de tuman bolady. Abaı oblysynda batys pen soltústikte qar jaýyp, jaıaý burqasyn soǵady, joldarda kóktaıǵaq kúsheıedi. Túngi jáne tańǵy ýaqytta birqatar aýdandarda tuman túsedi.
Shyǵys Qazaqstannyń soltústik jáne ońtústik bólikterinde, Soltústik Qazaqstan oblysynyń batysy, soltústigi men shyǵysynda da tuman men kóktaıǵaq oryn alady. Petropavl qalasynda da kóriný qıyndaıdy. Pavlodar oblysynyń ońtústik jáne batys bólikterinde kóktaıǵaq pen tuman kútilip, oblys ortalyǵynda da tús aýa tuman saqtalady.
Aqmola oblysynda qar jaýyp, burqasyndata soǵatyn jel kúsheıedi. Batys, soltústik jáne ońtústik aımaqtarda muzdy qabat paıda bolýy yqtımal. Kúndiz jańbyr men qar aralasyp jaýyp, joldardy taıǵaq etedi. Kókshetaýda tuman baıqalady.
Qyzylorda oblysynyń soltústik jáne ortalyq bólikterinde tuman basyp, kóktaıǵaq bolady. Qyzylorda qalasynda da arakidik tuman túsýi múmkin.
Jetisý oblysynyń shyǵys, ortalyq jáne taýly aýdandarynda tuman qatty jıileıdi. Soltústik-shyǵystan soqqan jel Alakól aımaǵynda kúsheıip, ekpini 15-20 m/s jetedi. Taldyqorǵanda túnde jáne tańerteń tuman túsedi.
Túrkistan oblysynyń batysy, ońtústigi jáne taýly aýmaqtarynda da tuman túsedi. Túrkistan qalasynda túngi jáne tańǵy ýaqytta kóriný shekteledi.
