Foto: Ashyq derekkóz
Energy Monitor telegram arnasynyń málimetinshe, Qazaqstan halyqqa eń tómen baǵada gaz jetkizý boıynsha álemdegi úzdik úshtikke kiredi. Alaıda TShO, KPO jáne NCOC kompanııalary eldegi jalpy kommersııalyq gaz óndirisiniń (tazartylǵan shıki gaz) 75%-yn quraıdy.
Qysta gazǵa suranys kúrt artatyndyqtan, Qazaqstan eksporttaýshydan ishinara ımporttaýshyǵa aınalady. Bul kezeńde gaz – jylý, elektr jáne turmystyq qajettilik úshin asa mańyzdy resýrs.
Arnanyń jazýynsha, KTK-ǵa jasalǵan shabýyl dál qys mezgilinde oryn alǵany el úshin qaýip tóndiretin faktorlardyń biri. Sebebi mundaı jaǵdaıda gaz tapshylyǵy týyndasa, ony Qazaqstan Reseıden nemese Túrikmenstannan ımporttaýǵa májbúr bolady. QazaqGaz shyǵyndarynyń arqasynda halyq gaz jetispeýshiligin sezbeýi múmkin, alaıda kórshi elder jetkizýdi shekteıtin jaǵdaı týyndasa, bul qıyndyqtar ishki naryqqa yqpal etýi yqtımal.
Energy Monitor sondaı-aq KTK baǵytyndaǵy jaǵdaıǵa baılanysty Qazaqstan bıligi men operator josparlaǵan ATQ-3 qondyrǵysynyń iske qosylýyn keıinge shegerýge májbúr bolǵanyn atap ótti. Qońyrjaı aýa raıy jaǵdaıynda qolda bar eki qondyrǵy rezervýarlarda jınalǵan munaıdy jóneltýge jetkilikti bolǵanymen, qaýipsizdik táýekelderi eskerilip otyr.
Jalpy alǵanda, KTK-daǵy tehnıkalyq qıyndyqtar Qazaqstan munaıshylary men bıýdjetine aıtarlyqtaı shyǵyn keltirmeýi múmkin, alaıda gaz tapshylyǵy táýekeli – áldeqaıda mańyzdy faktor. Buǵan deıin Qashaǵandaǵy slag-ketcherdi aýystyrý merzimin keıinge qaldyrý máselesi de eldegi taýarlyq gaz tapshylyǵy qaýpine baılanysty kóterilgen bolatyn.
