Atalǵan aýdannyń aýmaǵynda Mendeleev kestesine engen paıdaly mıneraldyń mol qory bary anyqtalǵan. Alaıda qazaq eliniń bir qıyryndaǵy qazba baılyq áli tolyq ıgerilgen joq. Degenmen 1978 jyly Dımashtóbe ataýy berilgen qyratta tabıǵı baılyqtyń san alýany qoıylǵan aspan astyndaǵy ashyq murajaı uıymdastyrylypty. «Paıdaly qazbalardy barlaý isiniń úzdigi» Marat Muqanovtyń aı-
týyna qaraǵanda, buǵan Qazaqstan Kompartııasy ortalyq komıtetiniń birinshi hatshysy Dinmuhamed Qonaevtyń aýdan-ǵa kelgeni sebep bolǵan.
Jaqynda tulǵa aıaldaǵan qyratta ashyq aspan astyndaǵy murajaı qaıta jańǵyrdy. Aýdan ákimi Serik Nysanbaevtyń aıtýynsha, bul murajaıdy ashý isi byltyrǵy jyldyń jeltoqsanynda bastalypty. Arnaıy jabdyqtalǵan keshen aýmaǵynda Dinmuhamed Qonaevqa arnalǵan memorıaldyq taqta qoıyldy. Jer astyndaǵy qazba baılyqtyń birneshe túrine 22 jáshik ornatyldy. Sondaı-aq Dımashtóbe, «Tuz kóli», «Qyz áýlıe» ataýlary jóninde aqparat jazylǵan taqtaısha ilindi.
Atyraý oblysy
