Otandyq irgeli fılosofııanyń aqtańgeri

Qanysh Sát­baevtyń akademııalyq mek­tebinen shyqqan ǵalym Jabaıhan Múbárákuly elimizde fılo­sofııa mek­tebiniń negizin qalady. S.M.Kırov atyndaǵy QazMÝ-dyń fılosofııa-eko­nomıka fakýltetin bitirgennen keıin M.V.Lomo­nosov atyndaǵy Máskeý memelekettik ýnı­versıtetiniń aspırantýrasyna túsip, kandıdattyǵyn, doktorlyǵyn qorǵap, dúnıe­júzi ǵalymdaryna ǵylymı negizdemelerin moıyndatqan iri ǵalym.

Qazaq KSR Ǵylym akademııasy Fılo­sofııa jáne quqyq  ınstıtýtynda eńbek etip, damytyp, uzaq jyl boıy basshylyq etip, keıinnen Ulttyq ǵylym aka­demııasynyń akademık-hatshysy, qoǵamdyq ǵylymdar jónindegi vıse-prezıdenti boldy. Osy kezeńde ol bilikti basshy bolyp qana qoıǵan joq, aýqymdy eńbekter jazdy, qazaq ǵylymynda ózindik qol­tańbasyn qaldyrdy. Akademık Jabaıhan Múbá­rákuly ómiriniń sońǵy jyldaryna deıin ǵylymnan qol úzgen joq. L.N.Gýmılev atyndaǵy Eýrazııa ult­tyq ýnıversıtetinde ju­mys istedi. Búginde Jabaıhan Ábdildın qurǵan fılosofııa ǵylymı mektebi álem ǵalymdary moıyndaǵan mektep retinde jumysyn jalǵastyryp keledi. Ǵalym jas mamandarǵa jáne óz otbasynyń ónegesi bola bildi. Qazaqtyń mańdaıyna bitken maıtalman, abyz ǵalym jasynyń úlkendigi, ǵylymdaǵy dúnıejúzi moıyndaǵan je­tistikterine, ataqtaryna qaramastan, qarapaıymdylyǵymen erek­shelenetin. Búginde ǵalym­nyń mektebinen shyq­qan 100-den astam ǵylym doktory fılosofııa salasynda kúrdeli ǵylymı máse­leler­men aınalysyp júr.

Akademık J.Ábdildınniń ǵylymdaǵy keshendi eńbek­teri baǵalanyp, memlekettik nagradalarǵa – «Barys», «Parasat», «Qurmet» orden­deri jáne halyqaralyq deńgeıdegi kóptegen syı­lyqqa ıe boldy. Ataǵy álemge máshhúr bolǵan ǵa­lymnyń artynda baǵa jetpes qundy eńbekteri qaldy. Onyń barlyǵyn shákirtteri elimizdiń ıgiligi jolynda qoldanyp, akademıktiń bastaǵan isin jalǵastyrady dep senemiz. Ǵalymnyń aty óshpeıdi. Jaqyndaryna qaıǵyra kóńil aıtamyz. Alla aldynan jarylqap, jat­qan jeri peıish bolsyn!

Murat JURYNOV,

UǴA akademıgi