Foto: rakhimzhan_yerdenbekov/www.instagram.com
Onyń aıtýynsha, federasııa árdaıym halyqaralyq antıdopıng standarttaryn qatań saqtaý qaǵıdattaryn ustanady. Rahymjan Erdenbekov bul norma kásibı boksqa degen senimniń negizi ári sport áleminiń barlyq ókilderi úshin mindetti dúnıe ekenin aıtty.
«Biz Jánibek Álimhanulynyń kásibı bedeline, onyń kópjyldyq eńbegine, eń joǵary deńgeıdegi sportshynyń ómir saltyna úlken qurmetpen qaraımyz. Sol sebepti ol ádil ári muqııat tekseristen ótýge laıyqty. О́z mansaby boıynsha Jánibek minsiz sport mádenıetin kórsetip keledi, birneshe márte synamadan ótti jáne árdaıym adal ári laıyqty túrde jetistikke jetetin sportshy ekenin dáleldegen», dedi Rahymjan Erdenbekov áleýmettik jelidegi jazbasynda.
Ol jaǵdaıdyń barlyq aspektileri tolyq, jan-jaqty ári obektıvti zerttelýi kerek ekenin aıtty.
R. Erdenbekovtiń sózinshe, Qazaqstan kásibı boks federasııasy halyqaralyq uıymdarmen baılanysta jáne sportshyǵa qajetti barlyq quqyqtyq, uıymdastyrýshylyq jáne aqparattyq qoldaýdy kórsetýge daıyn. Barlyq qorytyndylar tek obektıvti derekterge negizdelýi tıis.
«Qoǵamdy, BAQ ókilderin jáne sport qaýymdastyǵyn durys ári baıypty áreket etýge shaqyramyz. Jánibek Álimhanuly – talaı jyl boıy elimizdiń atyn álemge tanytyp júrgen Qazaqstan ókili. Ol joramaldarǵa emes, faktilerge negizdelgen ádil qatynasqa laıyq», dedi Qazaqstan kásibı boks federasııasynyń prezıdenti.
Federasııa jaǵdaıdyń damý barysyn muqııat baqylap, resmı rastalǵan aqparat túsken saıyn qoǵamdy habardar etip otyrady.
El boksshysy 12 qarasha kúni dopıng synamasyn tapsyrǵan edi. Keıinirek WBO Jánibek Álimhanulynyń dopıng daýyna qatysty tekseristi bastady.
Aıta keteıik, 7 jeltoqsan kúni otandasymyz, kásipqoı boksshy Jánibek Álimhanuly úsh belbeý úshin kýbalyq Erıslandı Laraǵa qarsy tarıhı jekpe-jegin ótkizýi kerek edi.
