Foto: metroalmaty.kz
«Jer silkinisine baılanysty Almaty metropolıteni jumysyn ýaqytsha toqtatty. Tótenshe jaǵdaılar mınıstrliginiń mamandary qazir nysandy qaýipsizdik talaptaryna sáıkes tolyq tekserýden ótkizip jatyr. Tekserý aıaqtalǵannan keıin jáne Tótenshe jaǵdaılar mınıstrliginen ruqsat alǵannan soń metropolıten jumysyn qaıta bastaıdy», dep habarlady Almaty metropolıteniniń baspasóz qyzmeti.
Esterińizge sala keteıik, búgin saǵat 12:45 shamasynda Almatyda jer silkindi. Jer silkinisinen keıin qalada TJM psıhologtary jumys isteıtin «jedel jeli» ashyldy.
Sonymen qatar qalada sezilgen jer silkinisinen keıin ǵylymı seısmologııa ortalyǵynyń komıssııasy qaıtalama tolqýlardyń yqtımaldyǵyna qatysty arnaıy jıyn ótkizip jatyr.
