QAZAQSTAN — FRANSIIа JOǴARY OQÝ ORYNDARYNYŃ FORÝMY О́TTI

Jýyrda Parıj qalasynda Qazaqstannyń Fransııadaǵy elshiliginiń atsalysýymen Qazaqstan-Fransııa joǵary oqý oryndarynyń “Bilim alýdyń halyqaralyqtanýy, baǵyt-baǵdar, problemalar jáne perspektıvalar” atty alǵashqy forýmy ótti. Atalǵan forýmnyń maqsaty – Qazaqstan men Fransııa joǵary oqý oryndarynyń arasyndaǵy joǵary bilim alý salasyndaǵy yntymaqtastyqty keńeıtý ári nyǵaıtý desek, bul sharaǵa bizdiń elimizden QR Bi­lim jáne ǵylym mınıstrliginiń ókilderi, joǵary oqý oryndary­nyń, ǵylymı ortalyqtardyń, jáne “Bolashaq” halyqaralyq baǵ­darlamasynyń basshylary­nan quralǵan top qatysty. Al Fransııa tarapynan Joǵary bilim jáne zertteý, Syrtqy is­ter, Kóshi-qon mınıstrlik­teriniń, Kampýs Frans agent­tiginiń basshylary keldi. Forýmda Bolon prosesi aıasyndaǵy joǵary bilim alýdyń damý úrdisi jáne Qazaqstan men Fransııa arasyndaǵy ózara qarym-qatynastyń odan ári damýy máseleleri talqylandy. Forýmǵa qatysýshylar jahan­danýdyń qoǵam aldyna qoıyp otyrǵan talaptaryn eskere otyryp, joǵary oqý oryn­darynyń yntymaqtastyǵyn damytý jáne joǵary bilim alýdy halyqaralyqtandyrý boıynsha tyǵyz qarym-qaty­nasta jumys isteýge kelisti. Sóıtip, eki jaq ózara ynty­maqtastyq ornatý maqsatyn­daǵy ýaǵdalastyqtarǵa qol jetkizip, birneshe kelisim-sharttarǵa qol qoıdy. Sonymen qatar, forýmǵa qatysýshylardy Ortalyq Azııa-Fransııa dostyq parlamentara­lyq tobyndaǵy Qazaqstan baǵyty úshin jaýapty senator Eımerı de Monteskıý, Qazaq­stan-Fransııa parlamentara­lyq dostyq tobynyń tóraǵasy, depýtat Terrı Marıanı qabyldady. “Egemen-aqparat”.