Altyn qyz maýsym barysynda oınaǵan 78 matchta 516 qaıtarymsyz soqqy (eıs) jasap, erekshe kórsetkishke qol jetkizdi. Bul – áıelder týrynda sońǵy toǵyz jyl ishinde birde-bir sportshy jete almaǵan rekordtyq nátıje. Ekinshi oryndaǵy tennısshi, cheh Lında Noskovanyń (№13) kórsetkishi – 66 oıynda 373 eıs, aıyrmashylyq aıtarlyqtaı ekeni kózge uryp tur. Elenanyń bul jetistigi Gınness rekordtar kitabyna engizilgenin aıta ketken jón.
2025 jyl E.Rybakınanyń sporttyq jolyndaǵy eń tabysty maýsymdardyń biri boldy. Ol Strasbýrg (Fransııa), Nınbo (Qytaı) qalalarynda ótken WTA-500 týrnırlerinde top jardy. Eń bastysy, Saýd Arabııa astanasy Er-Rııadta ótken WTA-nyń qorytyndy týrnırinde tuńǵysh ret jeńimpaz atandy.
Bas júldege jetý jolynda elimizdiń tennısshisi álemniń jetekshi oıynshylaryn: toptyq aınalymda – Amanda Anısımovany (№4), Iga Shventekti (№2), Ekaterına Aleksandrovany (№10), jartylaı fınalda Djessıka Pegýlany (№5) birinen soń birin erkin eńserdi. Sheshýshi matchta álemniń birinshi raketkasy Arına Sobolenkony jeńip, maýsymdy WTA reıtınginde besinshi orynda aıaqtady.
