«Sátti qadam» jobasynyń ekinshi kezeńi bastaldy

«Sátti qadam» jobasy Qazaqstanda 2013 jyldan beri júzege asyp keledi. «Nur Otan» partııasy alǵa qoıǵan bul máselege JOO men arnaıy oqý oryndaryn támamdaǵan jastar shaqyrylady. Jobanyń basty maqsaty – elimizdegi ulttyq kompanııa­lar men memlekettik organdarynda taǵylymdamadan ótýdi uıymdastyrý. Joba qatysýshylardy irikteý, suhbattasý, sondaı-aq, trenıngter arqyly kásibı biliktilikteri men jeke múmkindikterin qalyptastyrýdy kózdeıdi. Astana qalasynyń uıym­dastyrý komıteti aǵymdaǵy jyldyń tamyz aıynda «Sátti qadam» jobasynyń jańa ke­zeńinde qujattardy qabyldaý naýqanyn aıaqtady. Joba aıasynda elimizdiń barlyq óńirinen 1000-nan asa ótinishter qabyldandy. Astana qalasynda suhbattasýǵa 192 adam ótti. Qatysýshylar úshin suhbattasý 11-13 tamyz aralyǵynda Astana qalasy, Qonaev kóshesi, 12/1 «Nur Otan» partııasynyń Ortalyq apparaty ǵımaratynda ótedi. Anyqtama telefony: 8 (7172)707-684. «Jas Otan» JQ tóraǵasy Nurlan Sydyqov bylaı deıdi: «Nur Otan» partııasynyń «Sátti qadam» jobasy – jas mamandar úshin tıimdi áleýmettik saty bolyp tabylady. Baǵdarlama jastarǵa kásibı jaǵynan jáne tulǵa retinde qalyptasýyna, aıaqqa nyq turýyna septigin tıgizip, elimizdiń aldyńǵy qatar­ly uıymdarynda tájirıbe jınaqtaýlaryna kómektesedi». «Jas Otan» JQ atalmysh jobany iske asyra otyryp, Elbasy usynǵan 5 ınstıtýttyq reformany júzege asyrýǵa óz úlesin qosady. Joba boıynsha jumys tapqan qatysýshylar sonyń dáleli. «Egemen-aqparat».