Polısııa oqıǵa ornynda júrgizgen alǵashqy tekseris barysynda júk kóliginiń DAF markaly júrgizýshisi Astana baǵytyna qaraı qozǵalyp kele jatyp, kóktaıǵaq saldarynan rólge ıe bola almaı, jol boıyndaǵy qorshaýǵa soǵylǵanyn anyqtady.
Artynsha kele jatqan Chevrolet Cobalt pen Toyota Highlander kólikteriniń júrgizýshileri de kóktaıǵaqta tejegishti ustaı almaı, júk kóligine soqtyǵysqan. Al Kia K5 júrgizýshisi jol apatyn baıqap tejemek bolǵanymen, kólikti basqara almaı, sondaı-aq qorshaýǵa soǵylǵan.
Jol-kólik oqıǵasy saldarynan eki jeńil kólik jolaýshylary aýrýhanaǵa jetkizildi. Polısııa ókilderi tekserý aıaqtalǵan soń kináli tulǵalarǵa qatysty shara qoldanylatynyn atap ótti.
