Komıssııanyń qorytyndy otyrysy

Premer-mınıstrdiń oryn­­basary – Mádenıet jáne aqpa­rat mınıstri Aıda Balaeva jastarǵa jan-jaqty qoldaý kórsetý Memleket basshysy Qasym-Jomart Toqaevtyń memlekettik saıasattaǵy basym baǵyttarynyń biri ekenin atap ótti. «Táýelsizdik urpaq­tary» granty – daryndy jas­tardy anyqtaýǵa baǵyttalǵan Prezıdent bastamalarynyń biri.

Komıssııa quramyna Parla­ment depýtattary, kórnekti ǵalymdar, mádenıet salasynyń eńbek sińirgen qaıratkerleri, medıa-sarapshylar, bıznes ókilderi kirdi. Aıda Balaeva komıssııanyń ádil sheshim qabyldaǵanyna senim bildirdi.

Komıssııa qorytyndysynyń nátıjesinde 6 baǵyt boıynsha eń joǵary ball jınaǵan 30 joba irikteldi.

Jeńimpazdarǵa jobalaryn júzege asyrýǵa memleket tarapynan 3 mıllıon teńge kóleminde qarjylyq qoldaý kórsetiledi.

Aıta keteıik, bıyl barlyǵy 1700 ótinim tústi. Onyń ishin­de 1622 ótinim qabyldandy. Atap aıtqanda, «Bıznes» baǵy­ty boıynsha – 796, «Ǵylym» baǵyty boıynsha – 138, «Mádenıet» baǵyty boıynsha – 152, «Aqparattyq tehnologııa» baǵyty boıynsha – 211, «Medıa» baǵyty boıynsha – 154, «Volonterlik» baǵyty boıynsha – 171 ótinim.