Osydan týra 34 jyl buryn Joǵarǵy keńestiń tóralqasy «Qazaq KSR prokýratýra organdarynyń biryńǵaı júıesin qurý, olardyń derbestigi men táýelsizdigin qamtamasyz etý týraly» qaýly qabyldady. Sol kezden bastap qyzmettik boryshqa adaldyq, minsiz adamgershilik qasıetter prokýrorlyq korpýsqa jańa synı tegeýrinder men qaýip-qaterlerge qarsy is-qımyl jónindegi mindetterdi iske asyrýda eleýli úles qosýyna múmkindik berip keledi.
Táýelsizdik jyldarynda prokýratýra organdary syndarly sopaqty basyp ótip, qalyptasýdyń úlken dańǵyl jolyna túse bildi. Vedomstvonyń bedeli jáne onyń áleýmettik mańyzdylyǵy birneshe ese artty. Prezıdent qoıǵan jaýapty mindetterdi oryndaı otyryp, respýblıka prokýratýrasy zańdylyq pen quqyqtyq tártipti qamtamasyz etýde memlekettiń senimdi tiregine aınaldy.
Vedomstvo basshysy Berik Asylov azamattardyń quqyqtary men bostandyqtaryn, qoǵamnyń jáne tutastaı el múddelerin qorǵaýdyń senimdi kepili bola otyryp, Qazaqstan prokýratýrasy memlekettilikti nyǵaıtýda sheshýshi ról atqaratynyn birneshe ret atap ótti.
El prokýratýrasy — barlyq deńgeıdegi prokýrorlar joǵary turǵan prokýrorlarǵa jáne Bas prokýrorǵa baǵynatyn, bir ortalyqtan basqarylatyn júıe. Prokýratýra óz jumysyn basqa memlekettik organdardan táýelsiz atqarady jáne tek Prezıdentke ǵana esep beredi.
