«QazAvtoJol» baspasóz qyzmetiniń habarlaýynsha, 2025 jyldyń 7 jeltoqsanynda saǵat 12:30-da bastap aýa raıynyń nasharlaýyna (temperatýranyń tómendeýi, tuman) baılanysty birneshe ýchaskedegi avtojoldarda júk jáne qoǵamdyq kólikterdiń qozǵalysyna shekteý engizildi.
Shekteýler úsh oblysty qamtıtyn negizgi respýblıkalyq mańyzy bar joldarda áreket etýde:
1. Aqtóbe jáne Qyzylorda oblystary:
• Jol ataýy: «RF shekarasy – Martók – Aqtóbe – Qarabutaq – Qyzylorda – Shymkent – Taraz – Qordaı – Almaty – Qorǵas – QHR shekarasy»
• Aqtóbe oblysyndaǵy ýchaske: 965-ten 1240 shaqyrymǵa deıin (Qarabutaq kentinenQyzylorda oblysynyń shekarasyna deıin).
• Qyzylorda oblysyndaǵy ýchaske: 1240-tan 1362 shaqyrymǵa deıin (Aqtóbe oblysynyń shekarasynan Aral qalasyna deıin).
2. Aqtóbe jáne Qostanaı oblystary:
• Jol ataýy: «Qostanaı – Rýdnyı – Denısovka – Komsomolskoe – Qarabutaq»
• Aqtóbe oblysyndaǵy ýchaske: 0-den 234 shaqyrymǵa deıin (Qarabutaq kentinen Qostanaı oblysynyń shekarasyna deıin).
• Qostanaı oblysyndaǵy ýchaske: 234-ten 310 shaqyrymǵa deıin (Aqtóbe oblysynyń shekarasynan Adaevka aýylyna deıin).
«QazAvtoJol» joldardyń ashylýynyń boljamdy ýaqyty – saǵat 18:00 ekenin habarlady.
Nazar aýdaryńyz: Joldar aýa raıy turaqtalǵan jaǵdaıda ǵana ashylady. Júrgizýshilerge alys saparǵa shyqpas buryn jedel qyzmetterdiń habarlamalaryn tekserý usynylady
