Memlekettik tildi júıeli túrde meńgerý – Ulttyq ulan áskerı qyzmetshileri úshin mańyzdy baǵyttardyń biri. Sebebi til bilý áskerı ortada ǵana emes, halyqpen tyǵyz jumys júrgizýde, qujattamany memlekettik tilde saýatty júrgizýde jáne kúndelikti qyzmettik kommýnıkasııada úlken ról atqarady. Osy maqsatta «Ortalyq» óńirlik qolbasshylyǵynyń jeke quramy arnaıy oqytý baǵdarlamasyna qatysyp, qazaq tilin meńgerýdiń bazalyq deńgeıinen tabysty ótti.
Sertıfıkattardy saltanatty tapsyrý rásimi Qaraǵandy qalasynyń tilderdi damytý ortalyǵynda boldy. Ortalyq mamandary áskerı qyzmetshilerdiń jaýapkershiligi men yntasyn atap ótip, memlekettik tilge degen qurmet pen qyzyǵýshylyqtyń jyldan jylǵa artyp kele jatqanyn jetkizdi.
О́z kezeginde áskerı qyzmetshiler qazaq tilin úırenýge múmkindik jasaǵany úshin ortalyqqa jáne «Ortalyq» basshylyǵyna alǵys bildirdi. Olar alynǵan bilimdi qyzmette de, kúndelikti ómirde de tıimdi qoldanýǵa nıetti ekenin atap ótti.
Bul bastama aldaǵy ýaqytta da jalǵasyn taýyp, áskerı ortada memlekettik tildi qoldaný aıasyn keńeıtýge jáne kásibı qyzmet sapasyn arttyrýǵa yqpal etpek.
