Vedomstvonyń málimetinshe, Abylaı han dańǵyly, 20A mekenjaıynda bolǵan órtten keıin qalalyq aýrýhanalarǵa alty adam – bir eresek jáne bes bala jetkizilgen. Aldyn ala dıagnoz − kómirtek totyǵymen ýlanýdyń aýyr dárejesi. Barlyǵy jansaqtaý bólimine jatqyzyldy, jaǵdaılary aýyr dep baǵalandy.
«2014 jyly týǵan bala óte aýyr halde jetkizildi. Reanımasııalyq sharalarǵa qaramastan, qaıtys boldy», delingen habarlamada.
Qalǵan zardap shekkenderge barlyq qajetti medısınalyq kómek kórsetilip jatyr.
Tótenshe jaǵdaılar mınıstrliginiń málimetinshe, órt týraly habar túsken ýaqyt – 15:36. Oqıǵa ornyna kelgen qutqarýshylar birinshi qabattan besinshi qabatqa deıingi aralyqty tolyq basqan qalyń tútindi anyqtaǵan. О́rt birinshi qabattaǵy qosalqy bólmede turǵan balalar arbalary men turǵyndardyń jeke zattarynan shyqqan.
Oqıǵa ornynda TJD bólimsheleri dereý barlaý jáne evakýasııa jumystaryn bastady. Qutqarýshylar 40 adamdy, onyń ishinde 7 balany evakýasııalady, 6 adamdy aman alyp shyqty. Barlyǵy medısına qyzmetkerlerine tapsyryldy.
