Elorda • 08 Jeltoqsan, 2025

Astanada Táýelsizdik kúnine oraı qandaı is-sharalar ótedi?

70 ret
kórsetildi
4 mın
oqý úshin

Elorda ákimdigi Táýelsizdik kúni aıasynda Astanada 80-nen astam merekelik jáne resmı is-sharalar ótetinin habarlady. Onyń ishinde dárister, konsertter, kezdesýler, týrnırler jáne taǵy da basqa sharalar bar, dep jazady Egemen.kz.

Astanada Táýelsizdik kúnine oraı qandaı is-sharalar ótedi?

Foto: assembly.kz

3-10 jeltoqsan aralyǵynda qalalyq kitaphanalarda «Qalamger ustahanasy» dárister sıkli uıymdastyrylyp keledi. Táýelsizdik merekesine oraı sharalar legi jalǵasady.

9 jeltoqsan kúni Dostyq úıinde dinı birlestik ókilderimen dóńgelek ústel, sondaı-aq ardagerler gospıtalinde «Azat eldiń aıbyny» ashyq sabaǵy josparlanǵan.

10 jeltoqsan kúni «Jumysshy mamandyqtar» jylynyń aıasynda Astana qalasynyń №111 keleshek mektebinde oqýshylar men eńbek ardagerleri arasynda kezdesý ótedi.

10 jeltoqsan kúni «Zań men tártip» aıasynda esirtki jarnamasyn anyqtaý jáne boıaý aksııasy ótkiziledi.

11 jeltoqsan kúni saǵat 11:00-de Balalar jáne jasóspirimder kitaphanasynda «Táýelsizdik – tuǵyrym, Egemendik – eldigim» ıllıýstrasııalyq kórmesi, sondaı-aq mektep jáne kolledj oqýshylarynyń qatysýymen «Qazaqstannyń asqaq rámizderi» kezdesýi uıymdastyrylady.

11 jeltoqsanda Astana qalasy Qazaqstan halqy Assambleıasynyń ǵylymı-saraptamalyq tobynyń otyrysy ótedi.

11 jeltoqsan kúni «Ne? Qaıda? Qashan?» – «Táýelsizdik kúni» taqyrybyndaǵy Quiz ótedi.

11 jeltoqsan kúni «Baıqońyr» aýdany Ekonomıkalyq-quqyqtyq kolledjinde Táýelsizdik kúnine oraı «Men halqymmen maqtanamyn» taqyrybyndaǵy merekelik is-shara uıymdastyrylady.

Esil aýdanynda 12 jeltoqsan kúni «Tarıh tartý etken – Táýelsizdik» Quiz time uıymdastyrylyp, onyń nátıjeleri áleýmettik jelilerde jarııalanady.

12 jeltoqsan kúni «Aspan» sport kesheninde «Asyq festıvali» ótse, Esil ýnıversıtetinde merekelik konsert pen úzdik stýdentterdi marapattaý rásimi uıymdastyrylady. 

12 jeltoqsan kúni saǵat 14:00-de «Táýelsizdik muraty – tárbıeli urpaq» kýratorlyq saǵaty ótedi.

12 jeltoqsan kúni bazarlardyń jas jumysshylary arasynda fýtbol, voleıbol jáne tennısten sporttyq sharalar uıymdastyrylady.

12 jeltoqsan kúni «Baıqońyr» aýdany «Shıpager» kolledjinde «Táýelsizdik – bul halyqtyń qaharman joly» atty merekelik baǵdarlama ótedi.

Sonymen qatar, №1 О́ner mektebiniń uıymdastyrýymen №8 mektep-lıseıinde «Táýelsizdik – tumarym, Máńgilik el – turaǵym» atty merekelik is-shara ótkiziledi.

Atalǵan kúni «Baıqońyr» aýdanynda «Táýelsizdik – tuǵyrym» atty merekelik is-shara sheńberinde «Esil» ýnıversıtetinde saltanatty konsert jáne belsendi stýdentterdi marapattaý rásimi ótedi.

12-14 jeltoqsan aralyǵynda «Temirjol» sport kesheninde sport ardageri Ábdiǵapar Ábdirahmanovty eske alýǵa arnalǵan grek-rım kúresinen jasóspirimder arasyndaǵy ashyq birinshilik ótedi.

13-14 jeltoqsanda «Dáýlet» ortalyǵynda áýesqoı tennıs týrnıri ótedi.

13 jeltoqsan kúni Smaǵul Sadýaqasuly atyndaǵy №78 mektep-gımnazııasynda Táýelsizdik kúnine baılanysty mektep oqýshylar arasynda shahmat týrnıri ótedi.

13-15 jeltoqsanda «Binom» mektebinde toǵyzqumalaq týrnıri uıymdastyrylady.

14 jeltoqsan kúni «Tolqyn» sport kesheninde baıdarka men kanoe esýden chempıonat, «Ulytaý» sport kesheninde Aýǵan soǵysy ardagerleri arasynda voleıbol týrnıri ótkiziledi.

15-16 jeltoqsanda «Archer» klýbynda jebe tartýdan Astananyń ashyq kýbogi jáne Ázirbaıjan Mámbetov atyndaǵy memlekettik drama jáne komedııa teatrynda «Sáıgúlik» qoıylymy kórsetiledi. 

15 jeltoqsanda Esil aýdanynda «Táýelsizdik metakórmesi» men onyń metaálemdegi tanystyrylymy, sondaı-aq «Táýelsizdik – ult rýhynyń bastaýy» kitap kórmesi ótedi.

15 jeltoqsan kúni etno-zamanaýı stıldegi shaǵyn konsert uıymdastyrylady.

15 jeltoqsan kúni «Baıqońyr» aýdanynynda Táýelsizdik kúni aıasynda «Turan» kolledjinde «Táýelsizdik – elimniń erlik joly» atty merekelik is-shara ótkiziledi.

Jeltoqsan aıy boıy «Qamqorlyq mekenjaılary» aksııasy aıasynda zeınetkerlerge azyq-túlik jetkizý sharasy jalǵasady.