Qazaqstan Respýblıkasy Energetıka mınıstrliginiń buıryǵy  №146

2014 jylǵy 25 qarasha,  Astana qalasy Qaldyqtardy basqarý baǵdarlamasyn ázirleý qaǵıdalaryn bekitý týraly Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń 17-babynyń 29) tarmaqshasyna sáıkes buıyramyn: 1. Qosa berilip otyrǵan Qaldyqtardy basqarý baǵdarlamasyn ázirleý qaǵıdalary bekitilsin. 2. Qazaqstan Respýblıkasy Energetıka mınıstrliginiń Qaldyqtardy basqarý departamenti Qazaqstan Respýblıkasy zańnamasynda belgilengen tártippen: osy buıryqtyń Qazaqstan Respýblıkasynyń Ádilet mınıstrliginde memlekettik tirkeýden ótýin; 2) osy buıryqtyń Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde onyń resmı jarııalaýǵa buqaralyq aqparattyq quraldaryna jáne «Ádilet» aqparattyq-quqyqtyq júıesine joldanýyn; 3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Energetıka vıse-mınıstrine júktelsin. 4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi. Mınıstr V.ShKOLNIK. Qazaqstan Respýblıkasy Energetıka mınıstriniń 2014 jylǵy 25 qarashadaǵy №146 buıryǵymen bekitilgen Qaldyqtardy basqarý baǵdarlamasyn ázirleý qaǵıdalary 1. Jalpy erejeler 1. Osy Qaldyqtardy basqarý baǵdarlamasyn ázirleý qaǵıdalary (budan ári – Qaǵıdalar) Qazaqstan Respýblıkasynyń 2007 jylǵy 9 qańtardaǵy Ekologııalyq kodeksiniń (budan ári – Kodeks) 17-babynyń 29) tarmaqshasyna sáıkes ázirlengen jáne jeke jáne zańdy tulǵalarǵa qaldyqtardy basqarý baǵdarlamasyn (budan ári – Baǵdarlama) ázirleý tártibin belgileıdi. 2. Baǵdarlamany I jáne II sanatty obektileri bar jáne qaldyqtarmen jumys isteý boıynsha qyzmetti júzege asyratyn jeke jáne zańdy tulǵalar ázirleıdi. Tabıǵat paıdalaný obektileriniń sanattary Kodekstiń 71-babyna sáıkes anyqtalady. Kodekstiń 288-1-babynyń 2-tarmaǵyna sáıkes qaldyqtardy kádege jaratýdy jáne qaıta óńdeýdi nemese olardyń kólemin jáne qaýipti qasıetterin ózge de tásildermen azaıtýdy júzege asyratyn, sondaı-aq óndiris jáne tutyný qaldyqtaryn ornalastyrýmen baılanysty qyzmetti júzege asyratyn tulǵalar úshin Baǵdarlamany ázirleý mindetti. 3. Osy Qaǵıdalarda mynadaı negizgi uǵymdar paıdalanylady: 1) qaldyqtardy basqarý - óndiris jáne tutyný qaldyqtarymen jumys isteý boıynsha is-sharalardy josparlaý, iske asyrý, monıtorıng jáne taldaý boıynsha qyzmet; 2) eń ozyq qoljetimdi tehnologııalar - qorshaǵan orta sapasynyń nysanaly kórsetkishterin qamtamasyz etýge deıin sharýashylyq qyzmettiń qorshaǵan ortaǵa teris áseriniń deńgeıin azaıtýǵa baǵyttalǵan, uıymdastyrý jáne basqarý sharalaryn qamtamasyz etetin, paıdalanylatyn jáne josparlanatyn salalyq tehnologııalar, tehnıka men jabdyq; 3) josparly kezeń - Baǵdarlama ázirlengen kezeń. 4. Qaldyqtardy basqarý Baǵdarlamasynda: 1) óndiristik prosesterdi, onyń ishinde az qaldyqty tehnologııalardy engizý esebinen jetildirý; 2) qaldyqtardy qaıtadan paıdalaný ne olardy paıdalanýǵa múddeli jeke jáne zańdy tulǵalarǵa berý; 3) eń ozyq qoljetimdi tehnologııalardy paıdalana otyryp, qaldyqtardy qaıta óńdeý arqyly qaldyqtardyń kólemin birte-birte azaıtýdy qamtamasyz etý boıynsha kólemderi men olardy oryndaý merzimderi kórsetilgen sharalar kózdeledi. 5. Qaldyqtardy ornalastyrý oryndaryn qalpyna keltirýdiń tehnologııalyq múmkindigi bolmaǵan jaǵdaıda Baǵdarlamada qorshaǵan ortaǵa olardyń zııandy áserin azaıtý boıynsha is-sharalar kózdelýi tıis. 2. Baǵdarlamany ázirleý tártibi 6. Jeke jáne zańdy tulǵalar Baǵdarlamany mynadaı talaptarǵa sáıkes ázirleıdi: Baǵdarlama mynadaı bólimderden turýy tıis: 1) kásiporyndardaǵy qaldyqtardy basqarýdyń aǵymdaǵy jaǵdaıyn taldaý: problemalary bar qaldyqtardyń aǵymdaǵy jaı-kúıiniń sandyq jáne sapalyq kórsetkishteri, sońǵy úsh jylǵy dınamıkadaǵy qaldyqtardy basqarý boıynsha jumystardyń negizgi nátıjeleri; túzilgen jáne ornalastyrylǵan qaldyqtardyń kólemi men quramy, olardy saqtaý, kádege jaratý, kómý, rekýltıvasııalaý nemese joıý ádisteri týraly málimetter; 2) baǵdarlamanyń maqsaty qaldyqtardyń kólemin jáne (nemese) jınaqtalǵan jáne túzilgen, sondaı-aq jumys isteý barysyndaǵy qaldyqtardyń qaýipti qasıetteriniń deńgeıin birtindep azaıtýǵa baǵyttalǵan belgilengen kórsetkishterge jetý bolyp tabylady. Baǵdarlamanyń mindeti barynsha tıimdi jáne ekonomıkalyq negizdelgen ádistermen, josparlanǵan kezeń sheńberinde qoljetimdi jumys kólemderin (kezeńderin) boljaı otyryp, maqsatqa qol jetkizý joldaryn anyqtaý bolyp tabylady. Mindetter: kásiporyndarǵa qaldyqtardy zalalsyzdandyrý, qaıta paıdalaný jáne óńdeý boıynsha álemde bar eń ozyq qoljetimdi tehnologııalardy engizýdi; qaldyqtardy óńdeýge jáne qaıta paıdalanýǵa ınvestısııalardy tartýdy; kómý polıgondaryna áketetin qaldyqtar kólemin azaıtýdy; qaldyqtardy kómý oryndaryn qalpyna keltirýdi, polıgondardyń qorshaǵan ortaǵa keri áserin azaıtýdy eskere otyryp, túziletin jáne jınaqtalǵan qaldyqtardyń kólemin azaıtýǵa baǵyttalǵan; 3) baǵdarlama kórsetkishteri - bul belgili bir kezeńderde óndiris jáne tutyný qaldyqtarynyń qorshaǵan ortaǵa keri áserin tómendetýge baǵyttalǵan sharalar keshenin iske asyrýdan kútiletin nátıjelerdi anyqtaıtyn sandyq jáne (nemese) sapalyq mánder. Kórsetkishterdi jeke jáne zańdy tulǵalar barlyq óndiristik faktorlardy, ekologııalyq tıimdilikti jáne ekonomıkalyq maqsatqa sáıkestigin eskere otyryp, derbes anyqtaıdy. Kórsetkishter baqylanatyn jáne tekseriletin bolyp tabylady, baǵdarlamany iske asyrý kezeńderi boıynsha anyqtalady; 4) uıymdardyń óz qarajaty, tikeleı sheteldik jáne otandyq ınvestısııalar, halyqaralyq qarjylyq ekonomıkalyq uıymdardyń nemese donor elderdiń granttary, ekinshi deńgeıdegi bankterdiń kredıtteri jáne Qazaqstan Respýblıkasynyń zańnamasymen tyıym salynbaǵan basqa kózder baǵdarlamany qarjylandyrý kózderi bolyp tabylady; 5) is-sharalar jospary baǵdarlamanyń qurylymdyq bóligi bolyp tabylady jáne qajetti resýrstardy, jaýapty oryndaýshylardy, aıaqtalý nysanyn jáne oryndalý merzimderin kórsetýmen baǵdarlamanyń maqsaty men mindetterine jetýge baǵyttalǵan uıymdastyrýshylyq, ekonomıkalyq, ǵylymı-tehnıkalyq jáne basqa da is-sharalar kesheni bolyp tabylady. Baǵdarlamany iske asyrý jónindegi is-sharalar jospary osy Qaǵıdalarǵa qosymshaǵa sáıkes nysan boıynsha ázirlenedi. Qaldyqtardy basqarý baǵdarlamasyn ázirleý qaǵıdalaryna qosymsha Nysan Qaldyqtardy basqarý baǵdarlamasyn iske asyrý jónindegi is-sharalar jospary (kezeń) R/s № Is-sharalar Kórsetkish (sandyq/sapalyq) Aıaqtalý nysany Jaýapty oryndaýshylar Oryndaý merzimi Boljanǵan shyǵystar Qarjylandyrý kózderi 1 2 3 4 5 6 7 8 Eskertpe: 2-baǵanda qaldyqtardyń kólemin azaıtýǵa/qaýipti qasıetterin tómendetýge baǵyttalǵan is-sharalar, onyń ishinde qaldyqtardy qaıta paıdalaný, óńdeý, kádege jaratý, kómý, zalalsyzdandyrý, ornalastyrý oryndaryn qalpyna keltirý, qaldyqtardy paıdalanýǵa múddeli jeke jáne zańdy tulǵalarǵa berý arqyly olardy joıý, oqshaýlaý sııaqty qaldyqtardyń qorshaǵan ortaǵa keri áserlerin qysqartý tásilderi kórsetiledi; 3-baǵanda boljamdalǵan ólshem birliginde berilgen sandyq nemese sapalyq kórsetkishter (qaldyqtardy azaıtýdyń jáne (nemese) olardyń qaýiptilik deńgeıiniń fızıkalyq kólemderi jáne (nemese) %) kórsetiledi; 4-baǵanda is-sharalardyń aıaqtalý nysany kórsetiledi; 5-baǵanda árbir is-sharany oryndaýǵa jaýaptylar kórsetiledi; 6-baǵanda árbir is-sharanyń oryndalý merzimi kórsetiledi; 7-baǵanda árbir is-sharany iske asyrý úshin bólinetin boljanǵan qarjylaı shyǵystar kólemi kórsetiledi; 8-baǵanda is-sharalardyń qarjylandyrý kózderi kórsetiledi. Buıryq Qazaqstan Respýblıkasynyń Ádilet mınıstrliginde 2014 jylǵy 29 jeltoqsanda Normatıvtik quqyqtyq kesimderdi memlekettik tirkeýdiń tizilimine №10031 bolyp engizildi.