Qala ákimdigi match kúni stadıonǵa qatynaıtyn shamamen 25 avtobýs uıymdastyrady.
Avtobýstar myna oryndardan qatynaıdy:
1.«Qalalyq sırk» avtoturaǵy;
2. «Áziret Sultan» meshitiniń avtoturaǵy;
3. «Qazaqstan» sport kesheniniń avtoturaǵy;
4. Ortalyq park avtoturaǵy;
5. «Bas Meshit» avtoturaǵy.
Avtobýstar 18:00-de qozǵala bastaıdy jáne eki baǵytta qatynaıdy. Kórermenderge jınalý oryndaryna 17:30-ǵa deıin kelý usynylady.
Match kezinde Astana qalasynyń polısııa departamenti qaýipsizdik sharalaryn kúsheıtedi. Qoǵamdyq tártipti qamtamasyz etý úshin shamamen 2800 polısııa qyzmetkeri jumyldyrylady, oǵan patrýldik bólimsheler, ýchaskelik ınspektorlar jáne kınologııalyq qyzmet kiredi.
Qabanbaı batyr men Turan dańǵyldarynda kólik qozǵalysyna shekteýler engizilmeıdi.
Astana polısııasy kórermenderge qoǵamdyq tártipti saqtaýdy, quqyq qorǵaý qyzmetkerleriniń nusqaýlyqtaryn oryndaýdy eskertedi jáne matchqa qaýipsiz ári yńǵaıly jetý úshin uıymdastyrylǵan qoǵamdyq kólikti paıdalanýdy usynady.
«Qaırat» buǵan deıin syrt alańda Danııanyń «Kopengagen» komandasymen kezdesti. Qazaqstandyq komanda qarsylasyna 2:3 esebimen ese jibergen edi.
